Tinder、happn、Coffee meet Bagel…安裝好一堆有單身筍盤的交友Apps，找到了合眼緣的對象，下一步就展開話題一擊即中。然而好多玩家反映，即使pair up成功，對方都唔多願意跟自己交談，死因不明。其實死因並唔難估，好大程度是因為用錯開場白招致失敗！
錯誤開場白1：Only say hi
交友App配對成功後，只send 出「Hi」，相信對方回覆率超級低，就算覆你，只會係「Hi」、「Hello」，話語權又返到你呢邊，這種猜波式對話實在令結交節奏減慢，無以為繼，絕對是最差的開場白。
錯誤開場白2：我最近XXX
第一句就話「我今日打完波，好攰」呢種太以自己為先的對話，未必吸引到對方。尤其兩人互不相識，一開始點會有興趣知道你心情、狀態？假如對方回你一句「好好休息下」便成話題終結者，怪不得人。所以，以開場白宣洩自己情緒，實在令人無奈。
錯誤開場白3：分咗手幾耐？
「你拍過幾多次拖？」「分咗手幾耐？」一開口便問對方感情狀況，都會令人卻步，不想跟你分享。對方可能好耐都未拍過拖、單身未出過Pool；也有可能正逐步走出情傷，被你這樣一問，都唔知講唔講真話好，生怕講真話會影響下一步發展。所以開場白忌以感情狀況入手，日後啱傾才慢慢詢問，對方自然願意透露。
正確開場白1：你張相喺邊度影？
你會add對方做friend，除了外表吸引到你，相片中的舉動都係誘因之一。不妨用對方相片做開場白，例如「呢張相喺邊度影？個景咁靚嘅？」「你好鍾意行山？張相係邊座山影？」投其所好，對方一家願意為你介紹打卡背後的故事，如果咁啱志趣相投，話題自然源源不絕！
正確開場白2：你個興趣咁特別嘅？
根據對方的檔案和資料做開場白，會令對方覺得開場白不是老土地copy and paste，而是有心思，有了解過自己才send出。可能你未必好了解對方的職業是什麼，又唔識佢讀嗰間大學，而這正是一個好好的話題，「你間大學喺邊？大學生涯係點？」「你份工要成日出trip?」讓對方多表達自己，同時感到尊重，是成功的第一步。
正確開場白3：你玩咗呢個App幾耐？
「喺呢度識唔識到人？」玩得交友App，無非想識朋友，問呢個問題既試探對方玩App經驗及認識用家數目，又可互相分享大家在App上遇到的怪人怪事，放下心防。對方都好有興趣知道你玩App經驗，手上有幾多個了解中的異性。當雙方分享完趣事再慢慢介紹自己亦不遲。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
留言 0