MamiTv/星級追縱
嘉賓：楊焉 (楊)
主持：陳如楓 (陳)
陳：歡迎收看，今日呢位嘉賓我想很多人都掛住她，但都好耐無見過喎，因為電視或電影都好耐無見，全靠今天有我在，特意邀請她出來，她就是Carol楊焉！
楊：你好陳如楓！
陳：其實都不要greeting，好難得可以這樣談天。
楊：你不邀請我都不會做訪問。
陳：同大家講下先，你現在的近況係點樣？
楊：我而家就無放假，每日都在這個地方，這裡就是我的Yoga Studio。
陳：現在全職做瑜珈導師？
楊：是的。其實全職了差不多3年了。
陳：數手指，是的已經3年了。
楊：數手指差不多已經3年了，2015年5月開始教到而家。
陳：其實都要問一下，之前大家認識你的地方是報刊雜誌或者電影，由一個性感的Model變到而家，其實你點解有呢個這樣的決定?
楊：因為你！
陳：好開心！
楊：你帶我上完一堂瑜珈，就因為你帶我上一堂瑜珈，我就愛上咗，後來你結婚生仔拋下我，得我一個人上堂。
陳：你不要這樣說！
楊：然後我又肯上，咁我即係鍾意咗瑜珈到而家囉！
陳：但之前呢？很多人都覺得Carol你以前做這個咁開心，拍戲，有很多人蜂湧而致，嗰種感覺很多人都會很渴望，點解你會咁灑脫放棄?
楊：我諗要有個先天條件便是夠任性。
陳：你真是好任性，我是知道的！
楊：咁我真是覺得不開心，不想做，而且我覺得，亦都睇不到前景，所以我不做。
陳：咁你唔需要交代嗎？很多人都要交代，要同公司講，好多人都會話你突然唔出現，公司工作已經安排了俾你，有呢啲事情嗎？
楊：咁我又唔會咁無交帶，我會做好哂，都要雙方同意的，和平分手。
陳：咁你有無同之前一路有帶挈你的人有聯絡？
楊：同你？
陳：我當然有啦，我講你之前在娛樂圈做嘢的時候。
楊：其實我的娛樂圈朋友不多，通常是做完之後便走，但係一路keep住有工作如以前的booker，或者經理人，其實都有keep住聯絡，keep住都有，其實大家都仲係好好關係。
陳：她現在專注她而家的專業，其實點解俾人感覺一刀切呢?
楊：呢個係我原則，因為我以前曾經做model，然後幸運地做演員，拍戲，一連拍了好幾部戲，之後我都有想，我除了靠外表都想靠實力，然後都搵好多嘢去讀，甚至去北京學普通話，我覺得在呢一方面我有努力過，但又不覺得，可能都係天時地利人和啦，我又唔覺得有啲咩可以繼續
陳：點解要一刀切忘記過去，因為你覺得喺嗰度搵唔到自己成就，於是你覺得不如搵其他地方發展。
楊：可能當時我有拍拖，當時男朋友唔鐘意，唔鐘意咪唔做囉！
嗚謝：
嘉賓：楊焉
主持：陳如楓
拍攝：Edward Lau / Jordy
統籌：Sonny Lam
字幕：蕭麗儀
剪接：Jessie So
場地：The Practice Studio
食物：The Study
*本文章的內容若未經授權，不得轉載
留言 0