即將就到12月，除了睇聖誕裝飾之外，仲可以睇展覽！由香港貿易發展局主辦的DesignInspire創意設計博覽，即將一連3日，於香港會議展覽中心舉行。今年將聯同夥伴城市墨爾本，帶來多個創意設計展覽、論壇、工作坊及互動體驗，仲可以睇到摺紙飛龍、暴龍BB及香港懷舊微型展品。展覽免費入場，有興趣就唔好錯過啦！
創意設計博覽集合建築、數碼、體驗、平面、工業、空間、至城市和文化等範疇。
今年博覽仲帶來多個特別的展覽，當中仲有恐龍睇添！由墨爾本Creature Technology製造、 身長5米的暴龍BB 將會走入會場同大家見面。
香港摺紙學會將會在3D摺紙飛龍，飛龍以一張無黏貼和無切割的紙，花4個月時間，摺出一隻50cm高的立體飛龍。
另有多個微型藝術作品，可以一次過欣賞到港式懷舊微型模型，街景、徙置區、大坑舞火及報紙檔等充滿本土特色的主題都有。
場內仲有AR體驗，可以近距離同北極熊、犀牛及企鵝互動，仲會跟據動作做反應！
大會更安排多個工作坊可以參加，包括手繪和氏燈罩紮作、傳統迷你花牌、水泥創作、手雕麻雀及金工體驗等。
而「城創新活」主題館亦邀請21個本地及國際品牌及創新者，「機器人應用」、「STEAM教學」及「智慧生活」等主題，展示21個創新概念，構思及項目。
展覽免費入場，需預先到網上登記參觀，＞＞按此＜＜。
資料來源：FB@HKTDC 香港貿發局
活動資訊
- 開放日期: 2018年12月6日 - 8日
- 地點: 香港灣仔博覽道1號 香港會議展覽中心
- 開放時間: 12月6 - 7日：9:30am-7pm／12月8日：9:30am-6:30pm
留言 0