有冇一種嘢食，你一諗到就即刻流晒口水呢！係唔係士多啤梨，番茄，三文魚等等嘅紅色食物呢～～咦！？點解都係紅色嘅？原來顏色會影響到我哋嘅食慾㗎！
除咗食物本身嘅顏色外，包裝、燈光、餐具嘅顏色都會直接影響食欲～～
色彩心理學指出，暖色系會令人胃口大開，鮮艷的色彩都有會增進食慾的效果！亦都有研究顯示～對比白燈同黃燈，藍色燈光會令人覺得食物冇咁好食，從而減低進食嘅慾望。
紅色最能夠刺激食欲，紅色本身好鮮色，又有一種充滿活力嘅感覺～如果最近胃口唔好，不妨試下食紅色嘅食品～或者換紅色嘅擺設啦！
黃色都係暖色系，比人開心嘅感覺！所以好多餐廳都會用黃光或者黃色嘅裝修～甚至logo都會設計做黃色～令你想食更多嘢！
綠色代表健康同安全～無論咩食物，如果包裝係綠色時都好容易被人覺得係健康食品！因為好多蔬菜都係綠色，所以我地都會安心咁食～
黑色、紫色係最唔受歡迎嘅食物顏色～我地習慣咗覺得黑、紫嘅食物係變咗質，或者有害，而自然界都好少呢2種色顏色的食物。
藍色係最令人冇食欲嘅顏色～一項實驗證明，就算係最鍾意嘅食物，即使味道正常都好，染成藍色後都唔係太想食～
冷色系顏色容易令人覺得神秘，會使人有防備心態。所以如果大家想減肥，可以試下雪櫃較做藍色燈光，會令你冇咁想食嘢！或者用藍色餐具～都會有幫助㗎～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載
Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic