女人年紀愈大愈難出Pool？10位男生對零拍拖經驗女生的看法

「A0」這個愛情記號，自大學起成為朋友問你戀愛狀態的關鍵詞。大學O Camp話自己A0，男生會覺得你好pure好true，但人愈大，A0依然伴隨著你揮之不去，漸漸成為你難出pool的包袱。到底男生點睇A0女？

以結婚為目標的男人都不愛A0女生

男生Joseph：「人愈嚟愈大，男仔都會想搵終身伴侶，安定落嚟。如果個女生A0，會覺得佢缺少戀愛經驗，對愛情唔太識經營，即係無被前度教育過，亦覺得自己唔係佢嘅最後情人，我會卻步。」

A0女生衰在圈子太窄、人太害羞

男生Manson：「身邊有女性朋友都係A0，其實佢哋性格無問題，外表亦唔差，我開頭都好奇點解佢哋無拖拍。後來發現佢哋圈子太窄，只有朋友圈同工作圈，即使朋友話要介紹男仔俾佢識，佢都出於尷尬拒絕，所以至今仲未出pool。」

A0女生太墨守成規！

男生Thomas：「A0女生的確較被動，好守規矩，唔敢同男生有身體接觸。本來我都對某個女仔有好感，但見佢無意思，就無進一步行動了。」

A0女生不敢公開戀愛狀況！

男生Duncan：「其實有時都唔知對方係A0，因為佢唔會主動講戀愛狀況，傾計過程又無提戀愛史或現任男友背景。試過從其他朋友口中得知佢無拍過拖，似乎唔敢話俾人知，收收埋埋亦難了解她。」

A0女生尋找網上情緣，衰在太坦白？

男生Billy：「試過在交友App識女仔，講到戀愛史時，佢表示自己A0。其實唔多相信，一來佢幾靚女，唔信佢無拍過拖，二來都好難核實真假，三來覺得佢有隱瞞，玩玩下唔太認真。」

A0女生難得一遇知音人！

男生Windy：「人大了，在乎感覺更多，唔太在乎佢係咪A0。因為有時都係先有好感，後來才有機會跟她作深入了解。」

寧缺勿濫是大忌！

男生Benjamin：「有A0女生知道我拍過幾次拖，唔知係咪覺得我太花心，反而對我無好感。其實佢太保守，根本唔嘗試去愛一個人，了解一個人，抱住寧缺勿濫的態度，其實錯過了好多機會。」

強勢是A0女生的致命點！

男生Jackie：「好多女強人感覺太強勢，太有主見，對住男人唔識施展軟弱溫柔一面，自己都唔敢挑戰。可能因為咁，所以未聽過佢有拖拍！」

稱兄道弟成為難出Pool原因！

男生Jason：「A0女仔性格完全無問題，身邊都有好多異性朋友，稱兄道弟好玩得埋。正因太close，當咗佢係兄弟，無諗過同佢有發展機會，但會為佢嘅婚姻大事著急！」

A0女生太理性、太著重事業！

男生Henry：「可能佢無感情寄託，唯有寄情工作，成日都埋頭苦幹，無咩娛樂。自己都怕悶，所以搵女友更加唔敢搵呢type!」

**Follow us on:

生活