一年一度嘅書展又嚟喇！立即同大家去睇下有咩優惠，同有咩必買必睇啦！
今年嘅書展可以話優惠滿滿！由入場開始已經平俾大家，真係益哂一眾書迷呀～
喺書展期間，參觀人士只要喺中午12點前入場，就可以優惠價港幣10蚊入場，逛到閉館為止！
逛一次唔夠？書展仲請你免費睇多次！
如果大家以正價(成人港幣$25、小童港幣$10)買書展頭2日(7月18或19日)嘅門票，憑完整票尾就可以喺 7月20、21或22日(星期五、六、日) 下晝5點後免費再進場一次～
（此優惠不適用於其他門票 (包括上午進場票、優惠進場票、貴賓進場票及贈券)）
嚟書展買書，當然有好多優惠啦！
大家可以喺指定嘅派發處獲得指定參展商送出嘅「港幣5元優惠券」乙張，持劵者可以淡貼有$5優惠標誌嘅指定攤位購物！
以每張收據計，滿港幣50元以上可使用一張優惠券。優惠券數量有限，先到先得！
書展已經擺左好多優惠券試網俾大家下載，有好多現金劵嫁，想知仲有咩優惠？上官網睇下啦！
嚟書展其實唔止可以睇書，仲有好多野可以玩嫁！
喺5樓嘅運動旅遊博覽超多野睇、超多野玩呀！
有好多個攤位提供免費體驗，好好玩嫁～
睇旅遊展，點可以唔打卡呀？未飛到日本睇紅葉唔緊要！呢度有得俾你同紅葉打卡，仲即場print出嚟～
只要將相片上載到Instagram，tag番佢地，就得嫁喇！
print出嚟嘅相仲連埋隨機優惠券嫁！正呀！
想郁動下，就要逛下運動博覽喇！
想挑戰下自己嘅話，一定要嚟試玩攀石呀！
有專業教練指導，又有安全措施，可以放心挑戰！
小編都實試過，真係又刺激又好玩～
想試試新意思嘅話，就可以玩下同遊戲結合嘅運動設施～
好似呢個單車競技咁，4個人比賽，配合埋螢幕畫面，好似玩緊爬山單車咁～
再唔啱，仲有哥爾夫球、扒龍舟、草地滾球等等⋯⋯梗有一樣啱你玩！
如果唔想運動，但鍾意打機嘅話，一樣有得玩！
好似呢個攤位咁，坐好舒服嘅電競指定坐椅「食雞」又得；同朋友一齊玩playstation足球 game又得！
想再有實感啲，不如就同朋友對戰啦！
呢個遊戲結合左AR實境技術，兩人一組對戰，向對方發射「龜波氣功」！
唔好漏左呢個港鐵攤位，呢度將所有港鐵嘅場景縮細，好cute cute嫁！啱哂打卡！
仲有好大盤「港鐵棋盤」，一家大細都可以一齊玩～
淨係$10入場費，仲要一次過玩哂兩個展~
咁抵，快啲約埋親朋戚友一齊嚟啦！
《第29屆香港書展》
日期：2018年7月18至24日 (星期三至星期二)
時間：
7月18、19日 - 上午10時至晚上10時
7月20及21日 - 上午10時至午夜12時（展覽廳3開放至晚上11時）
7月22、23日 - 上午10時至晚上10時
7月24日 - 上午9時至下午5時
地點：香港會議展覽中心
票價：
成人票：港幣 25 元
小童票：港幣 10 元 (適用於小學生 /身高 1.22 米或以下兒童)
*3 歲或以下小童及 65 歲或以上長者免費進場
購票方法：
書展門票由即日起於全線快達票，以及指定的7-11便利店和 Circle K便利店公開發售。書展現場亦設有售票處。
電子門票由即日起於Tap & Go「拍住賞」手機錢包app及八達通app(八達通卡或O! ePay)有售。詳情請瀏覽Tap & Go「拍住賞」及八達通的網頁。
留言 0