通常去露營都是想感受郊外寧靜的環境，假如旁邊有其他人大聲播歌，你又會否接受呢？最近有網民於露營時，目擊有露營人士竟然在營地邊大聲播歌邊忘情跳舞，如入無人之境，去露營地秒變廟街！
大媽露營大聲播歌兼勁歌熱舞 郊外露營秒變廟街
網民怒轟：極離譜！以為自己去咗老蘭啊！
樓主在Facebook露營群組表示，自己在露營時遇到其他露營人士在營地勁歌熱舞，同時開大喇叭播音樂，樓主上載長達21秒的短片，可見當時有5人圍住營地忘情跳舞、擺動身軀，更大聲播歌。掛在營帳的燈串裝飾更不停閃爍，五顏六色的燈光更帶有廟街氛圍，令露營地秒變廟街！
網民批評自私：極離譜！去露營變去廟街
樓主在露營群組發文，並上載片段指：「好彩佢哋11點就收咗皮，無嘈住我瞓！」，貼文引來不少網民留言討論，不少網民紛紛指責他們破壞郊外的寧靜，吵鬧程度不輸廟街，十分離譜！有網民指：「自己垃圾，自己帶走，垃圾係指……」、「開Party去Party Room啦！」、「去咗老蘭啊？」、「極！離！譜！完全唔尊重環境同其他人！」
網民分享同樣遭遇：凌晨2點迫人聽歌
亦有網民分享同樣慘痛的遭遇：「試過露營時遇過人凌晨2點都未熄音樂，迫人聽佢啲歌，係成個位嘅人都要聽佢啲歌！」有人建議：「你哋試下衝埋去跳舞，一路跳一路踢枱踢櫈扯走佢串燈，手拎住罐汽水扮飲醉！」
有人認為樓主小題大做
不過亦有網民指露營人士只是嘈吵至晚上11時，沒有吵至深夜已經不錯，認為樓主小題大做：「人哋真係有權傾計大聲叫吓唱吓歌，大家都有權玩 ，冇話一定要靜玩嘅，唔好太過份就得啦！」
問：有無靚景行山路線推介？
答：香港其實有許多靚景山峰，部分與市區距離不遠，更不需要長途跋涉攀山涉水，只要向山上走一兩小時就可以看到美景，詳情可以睇埋：11大靚景行山路線推介
問：仲有無郊遊地點推介？
答：不如去元朗玩下啦，元朗唔單止有農莊可以餵餵草泥馬，採摘新鮮水果，仲有無敵玻璃天幕露營車及彩虹小屋觀星營地，即睇睇推介：元朗好去處6大郊遊必去
留言 0