森美 育有一子一女，兩個都好有前途。細女梁曦童讀書成績好，四年前獲選「小太空人」，其後被選拔為兒童飛龍大使成員之一，代表香港前往日本福岡作交流生；而大仔梁曦樂升學英國，跳級成為高材生。最近森美透露大仔於英國A Level考獲4A*，非常厲害。
撰文：CMY、Sundaykiss｜資料來源：受訪者森美、梁曦童、梁曦樂｜圖片來源：新傅媒集團資料庫、森美Instagram、森美太太Instagram（部分相片由受訪者森美提供）｜編輯：Clara
森美大仔於英國AL考4A*靠MIRROR同女兒關係好轉
近日森美和《全民造星II》的小魚（楊昌鵬）、前港姐張瑪莉出席活動，落力賺錢為一對子女供書教學。他透露於英國留學的大仔梁曦樂剛在當地A Level考獲4A*，回想大仔以前在港成績中下，如今獲得如此佳績，令他感到老懷安慰。
除了大仔之外，他細女都是高才生，不過二人關係沒有以前那般親密。曾經兩父女罕有地一同參與公開活動，女兒拒絕與他合照。他接受傳媒訪問時表示那刻猶如失戀的感覺，而且現在他出門口時，女兒已經不會主動錫他。不過他現在有個妙計與女兒拉近距離，原來他經常收到男團MIRROR的紀念品，於是借花敬佛送給女兒，令到自己在女兒眼中提升了不少地位。
仔女無遺傳ADHD靠打機訓練思考及反應
本報早前有幸邀得他們一家首次接受親子專訪，森美指自己小時候有專注力失調及過度活躍症（ADHD）的問題，讀書背誦好辛苦，同學用一小時溫習，他要花足三小時，才能追到成績中游的程度，直到現在工作都受影響，有時不能集中精神睇稿。幸好這問題沒有遺傳給一對仔女，尤其女兒讀書名列前茅，兒子亦只有少許症狀。「個仔性格比較似我，大大吓個心野啲，你睇佢個樣、講嘢同思維都有啲似我，所以佢好細個我就帶佢做評估，好彩佢只係有啲症狀，會容易坐唔定，但個程度未去到ADHD呢個病。依家佢都會唔專心，但佢背嘢快我好多，我就知佢無問題。」
森美在鏡頭前常帶給觀眾歡樂，梁曦童笑言爸爸在家也是搞笑之人，但做錯事都會照鬧，平時他很享受父子的玩樂時間，經常一齊打機商討策略，「我哋試過去東京旅行凌晨三點落街捉Pokémon，玩咗三個鐘！」森美話打機能訓練思考及反應，只要能幫助仔女成長，他就樂於讓他們嘗試，正如從訪問中他看到仔女能詳細表達自己，作為旁觀者的他十分享受。雖然孩子踏入青春期，森美要面對更複雜的問題，但他也樂見孩子成長。
森美細女成功說服媽媽 曾做小太空人
14歲的梁曦童就讀聖保羅男女中學附屬小學，成績名列前茅，不覺得讀書辛苦。她一向積極參與課外活動，曾參加不少比賽如校際朗誦節、校際音樂節，取得直笛及二重奏冠軍，多才多藝的她還曾經是個小太空人。
原來她向來不是充滿探索精神之人，但在學校聽過師兄師姐分享後，便開始嚮往做小太空人，「可以參觀太空中心，仲有Family camp，好想報名參加。」當時媽媽拒絕女兒要求，她認為女兒要兼顧很多課外活動，準備時間不足，不應倉卒參加。但梁曦童充滿決心，向媽媽多番解釋活動，並分配好練習直笛、田徑等課外活動的時間，盡量在學校完成所有功課，終獲媽媽開綠燈參加。
梁曦童立即著手準備一份創意作品：「我寫咗一個故事，同爹哋畫咗幾幅畫，我寫故事時爹哋同哥哥都畀咗好多意見，應該加咩落去好啲。」她創作的小太空人故事中，以自身經驗作藍本，講述一個立志成為太空人的小男孩，每天都會寫信到NASA，終於得償所願，但他成為太空人後卻遇上不少困難，腦海中亦有聲音叫他放棄，幸好他堅持下去，絞盡腦汁解決難題，最後成功返回地球。
17年，她在2,000名參加者中脫穎而出，獲選成為「小太空人」，與媽媽同赴美國太空訓練營參與為期九天的「太空探索之旅」，接受模擬太空人訓練，更與NASA的太空人見面。她最難忘一次模擬火星任務。「可以扮坐火箭上火星，好似真嘅太空Mission咁控制，我喺任務入面做Mission specialist，去到火星後個太空站無晒油，要將火箭上嘅油送入太空站，然後其他隊友就模擬整風車，幫助火箭同太空站發電。」始終女兒才是小太空人，陪伴赴美的又是媽媽，森美耐心聆聽女兒的說話，不斷點頭同意，沒有插嘴幫口引導。她笑言今次是第一次遠行，九天的旅程有掛念爸爸和哥哥，每天都致電回家，免得他們心掛掛。
成為兒童大使為港爭光 想做兒童小說作家
18年暑假，梁曦童被學生選中成為兒童飛龍大使成員之一，連同亞太區其他學生代表，到日本福岡進行交流，體驗當地人生活。據了解，兒童飛龍大使由城市青年商會主辦，由數百間小學所推薦的兒童當中，選出六位大使代表香港。經過一連串的選拔活動，她有幸成為其中一員，到日本為港增光。
她有一個大理想，將來最想做一個兒童小說作家，希望吸引更多小朋友享受閱讀，喜歡上學。「因為我細個唔鍾意返學上堂，但我鍾意睇書，想返學學多啲英文去明白書中內容，所以我想參加小太空人學多啲嘢，將來可以寫有關太空嘅故事。」
森美用「小太空人」四字教好女兒
梁曦童回來之後，哥哥梁曦樂發覺妹妹有所成長，對太空知識的廣闊程度更嚇了他一跳。森美當聽到女兒想參加小太空人時感到意外，但也樂見女兒的進步，更利用「小太空人」的身份引導她更多，「當佢有嘢做得唔好，或者佢話做唔到，我就話你係小太空人喎，經過2,000人去挑選你，你應該做得到啦，佢聽完就會做番好，所以佢孭多個身份，多咗份責任。」不過，森美有時會濫用「小太空人」教女，「佢坐得唔好，我話『你係小太空人喎』，即刻坐番直；食飯食唔乾淨，『你係小太空人喎』，即刻扒晒啲飯。」
森美大仔常怕不合格 盼增廣見聞赴英讀書
梁曦樂覺得讀書好辛苦，太多測驗考試，最難是中文科，「好多嘢讀，尤其係中文好深，有好多單元檢測，成日驚唔合格。」他希望增廣見聞，故飛到英國留學。原來本身森美不贊成兒子出國，覺得一家人應在一起，表明「好唔捨得」。他直言，以前從不覺得出國讀書會比在香港讀書有甚麼不同，但自從入讀中大後，經過一次出國交流的機會，終於明白出國讀書比在香港讀書真的能看到更多，更擴闊眼界，所以最後也尊重兒子的意願，希望他不要只做書蟲，要多點出去玩，增加生活體驗。但女兒則暫未有出國打算，「香港嘅學校都好好，學到好多嘢。」
被英國學校取錄有原因
森美指大仔在網上看到別人整火槍，自己會去五金舖買材料研究一番。他既欣賞大仔的探索精神，同時感到憂心，「危險吖嘛！不過男仔係咁㗎喇！」不過講到最有興趣還是歷史這科，梁曦樂平時逛書展主攻歷史書，曾買了一本馬克斯、三本北韓的書籍，森美笑稱怕大仔有獨裁傾向，梁曦樂反駁道：「我想了解多啲呢個國家啫。」他樂跟學校去北京交流，更購入中英對譯版本的《毛語錄》閱讀，他覺得內容很有趣，不過此舉嚇怕了媽媽！
梁曦樂去英國學校面試時亦有透露自己喜歡歷史，尤其對亨利七世至伊利沙伯女王 一世那段時期，令面試官十分好奇一位香港學生對這段歷史如此有興趣，最終取錄了他。早前他主動邀請爸爸一同看電影《鄧寇克大行動》，以前兩父子只看卡通片或真人英雄片，森美聞言覺得大仔長大了許多，甚至比自己對這套戲的歷史背景更熟悉，梁曦樂解釋：「套戲好有趣，以前睇書睇過，我覺得套戲幾好睇，不過有啲地方唔係好忠於歷史。」森美認為大仔將來的路可能與探索歷史有關。
森美想大仔讀醫被拒
梁曦樂是聖若翰救傷隊（St. John）一員，森美認為小朋友學好紀律十分重要，參加制服團體有助紀律訓練。他形容自己是典型家長，希望仔女讀醫，覺得大仔既然玩得St. John，應有興趣從事醫學方面，梁曦樂直指爸爸的看法不正確，St. John對他最重 要是當中的團隊精神。「喺St. John除咗可以幫人，隊員間仲會互相幫助，交流讀書意見，我哋好似一個大家庭。」
留言 0