【瑜伽教學】久坐族伸展術　5個動作踢走肩頸膊痛

日日坐到成個「阿源」咁🤷🏽‍♀️ 坐到肩頸膊痛腰同Pat Pat都痛埋！快啲企起身郁吓！今次請咗特別嘉賓 @tonyelectronic 同我一齊示範動作比大家睇。

大家記得 𝑺𝒂𝒗𝒆 低跟住一齊做，仲要記得𝑺𝒉𝒂𝒓𝒆埋比你啲坐得好衰嘅朋友仔睇呀！𝑳𝒆𝒕’𝒔 𝑮𝒐💪🏽

1️⃣ 雙手提起 + 尖起腳行路
雙手拉高延伸整個身體，伸展兩邊側身；尖起腳行路鍛鍊腿部肌肉，改善久坐族長時間不活動而肌肉不足問題

2️⃣ 雙手包頭伸展上半身
特別整日都坐係電腦面前的朋友總會窩起整個身體，動作可幫助我們打開身體前方及鍛鍊背部及頸部肌肉

3️⃣ 伸展頸側
成日對住電腦做到兩邊肩膊痛，當然要伸展返兩邊膊頭啦；右手放在左邊耳朵上帶個頭往往右打側，留意膊頭不要縮起，同時可延伸左手往左邊加深伸展

4️⃣ 前彎後彎伸展腰背
前彎拉伸大腿後方，成日坐住大髀緊哂當然要拉返開佢；後彎延伸整個身體前側，背部肌肉發力，平衡整個身體

5️⃣ 提膝轉動髖關節+伸展大腿前方
成日都坐住個盤骨，髖關節位置好容易變得繃緊，增加髖關節靈活度，可以預防膝頭痛問題，同時單腳企練習可鍛鍊大腿力量；之後伸展埋大腿前方，就完整美滿啦

撰文：Jacqueline Ho

擁有6年全職瑜伽導師經驗，曾在多間大型連鎖瑜伽及健身中心任教，堅信瑜伽無捷徑，只有練習和經驗。

運動