對於小店而言，休業固然可怕，但更可怕的是重開後銳減的人流。2013年成立，近期因疫情休業三個星期的中環文青風Cafe Sogno Café為挽回一眾食客，即日起推出無限時任食任飲優惠：$178/位（另收加一服務費）即可享用明太子卡邦尼意粉、英倫玫瑰Scone及水蜜桃菠蘿沙冰等廿款餐飲、小食，4月2日前幫襯更只要$148。
編輯部就幫大家計過數，按 Cafe 原價，只要食均主食、甜品加飲品就已經接近「回本」，加埋小食就更滋味。不過店舖負責人就提醒各位食客：「食得晒先至好嗌」，千祈咪做大嘥鬼。
負責人表示店名Sogno是意大利文「夢想」的意思，Cafe因夢想而生，店主亦希望重開後繼續實踐「分享正能量」夢想，與各位香港人一起努力加油。雖然目前店舖訂座已爆滿，最快要下星期一（28/3）先有位，但各位懲罰師記得要維持熱度，繼續力撐良心小店。
【任食任飲自救優惠】
日期：即日至4月20日
時間：12nn - 17:45（Last Order：5pm）
價錢：$178/位（2/4或之前$148/位）
*同行入座的客人必須一致享用「自救優惠」，所有食物不設外賣。
【Sogno Café】
營業時間：12nn - 6pm（星期一至六）；逢星期日休息
地址：中環威靈頓街97號威利大廈2樓D
聯絡電話：9148 8776
文｜Layne
圖｜Sogno Café
💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk
留言 0