中環置地文華東方酒店內有一間隱蔽有趣嘅酒吧，光看名字 Please Don’t Tell (PDT) 已覺有趣，進入酒吧首先要經過地面大堂嘅餐廳 MO Bar，走到餐廳盡處有一條登上閣樓嘅樓梯。
只見一個寫住 telephone 像電話亭嘅門口，幾乎令人懷疑自己走錯路，打開電話亭嘅摺門有一個電話，跟住指示按「1」，旁邊門簾就會稍稍打開，讓客人正式進入酒吧。入店嘅過程已如此有趣，可想而知酒吧內嘅氣氛亦是輕鬆有型，絕對沒有五星級飯店嘅拘謹。
最近酒吧推出非常吸引嘅優惠，分別於每個兩個時段免費送熱狗：
Early Dog – 5pm-6pm
Dog After Dark – 10pm 後
於此兩時段惠顧任何兩杯雞尾酒，即可免費獲贈價值 $152 熱狗一隻
熱狗 ($152) 係 PDT 嘅招牌菜式，味道十分特別有趣，「Nippon Dog」將豬肉腸裹上麵包糠炸脆，伴以 wasabi 蛋黃醬、醃蘿蔔及甘筍絲等，有日式風味。「Chili Dog」牛肉腸伴着融化嘅 pepper 味芝士、炸洋蔥、墨西哥辣椒、玉米片中，味道濃郁又有層次。
除咗熱狗，嚟到 PDT 必試炸薯波 Tater Tots，香港唔多餐廳供應呢一款邪惡薯波，每顆炸到脆卜卜嘅薯粒，淋上醬料比起薯條、薯炸更滋味。PDT 嘅薯波有多款有趣口味，最近新出嘅「腸粉 Tots」（$152），用咗是拉差辣醬、甜醬、麻醬、撒上芝麻，食落真係有食腸粉嘅感覺。另一款較香甜嘅係「大阪燒 Tots」（$148），大阪燒嘅醬汁、木魚花、蔥粒，都係濃郁惹味嘅選擇。
地址：中環皇后大道中15 號置地文華東方酒店大堂
營業時間：5pm – 12am
留言 0