【LINE你睇】雞翼大茶飯 美國阿嬸偷雞偷了過千萬

騙子偷心可呃千萬；大賊偷金亦可盜千萬，美國芝加哥有個學校員工，竟然可借偷雞翼，偷了過千萬！究竟要偷多少雞翼，才可偷到千萬巨款？

據《Sky News》報導，美國的學校在疫情期間停課，但都會為在家上堂的學生送上餐點，學校員工，一位68歲的大嬸Vera Liddell就透過此特殊措施而開展她的「偷雞大計」！她用長達一年時間靜雞雞偷雞，每次犯案她都借學校的貨櫃車盜雞翼，前後共偷了11,000箱雞翼，總值美金$1,500,000 (約港幣$ 11,686,000 )！她訂了總值過千萬的雞翼，可憐受疫情影響學習的學生一隻都食不到！

Liddell自2020年7月開始「偷雞」，直到學校的經理查數，發現訂食物的支出比平常多了美金$300,000 (約港幣$2,337,000 )才揭發這個驚天偷雞翼計劃！最近Liddell才被判罪成，因為靜雞雞偷雞事敗而被判入獄9年。

資料來源：Sky News

【LINE你睇】每日精選網絡熱話，源源送上新鮮事，LINE你睇唔驚冇話題。