😂呢排我哋趁住天氣好，大家去咗大澳嗰邊玩, 玩完之後其實都好夜，我哋又冇乜點食嘢，真係好肚餓，於是我哋就返去東涌之後就諗住睇吓搵嘢食。朋友就帶着我哋嚟呢間日式火鍋食飯。我哋大家都揀咗M9黃牛食到飽套餐
😋一入到去嘅左手面，就會見到有一啲醬料區甜品區同埋火鍋配料區域仲有飲品區。呢度就係一人一鍋嘅配置，我哋呢台就揀咗壽喜燒喎同埋飛鳥牛乳鍋
🍲今次我哋就主要試咗M9和牛，牛小排同埋S R F和牛。整體我哋最鍾意就係M9和牛，擺喺壽喜燒火鍋再點蛋漿食係最夾嘅，肉質好軟，未去到入口即溶但係牛味濃。壽喜燒我就唔係我哋平時食嘅正宗壽喜燒，佢哋嘅醬汁比較淡另外亦都有加一樽醬汁可以自己再額外添加。佢哋以一個少汁嘅形式煮熟塊牛肉。小提示，蛋係要另外加錢喔～另外冬菇同埋芋絲擺落去壽喜燒煮到入味都幾好食👍🏻
😛另外我哋覺得牛小排都唔錯，我哋比較鍾意將佢擺喺牛乳鍋，牛乳鍋味道都幾濃郁。另外呢個鍋比較適合煮一啲菜，火鍋配料同埋麵類。佢可以令到蔬菜更加甜。佢哋嘅拉麵都幾好食大家都可以試吓😛
😆呢度仲可以任食Movenpick 同埋其他個品牌嘅雪糕~
📍 鍋處 (東涌)
東涌達東路20號東薈城名店倉3樓317號舖
▼ Follow we2log
留言 0