Gaia group旗下既「KEW+」喺聖誕節推出咗邱園之美聖誕嚐味晚餐。 餐廳嘅裝修以四季花園為主題， 雅致唔會太過拘謹，好啱約埋朋友過嚟打吓卡傾吓偈。 如果想同另外一半過浪漫嘅聖誕，仲可以揀outdoor嘅位置添。
踏入咗吞拿魚最肥美嘅季節，餐廳揀咗《《碎蔥吞拿魚蓉配日式脆米餅》》作為聖誕套餐嘅頭盤。充滿油脂嘅吞拿魚蓉加上清新既蔥段，再放喺口感香脆嘅米餅上面混合埋一齊，形成咗個強烈嘅對比，非常得意。
沙律今次就試咗《《無花果海葡萄粉紅菇沙律配柑橘醬》》。一粒粒爆開既海葡萄配上無花果同粉紅菇，口感特別得黎鮮味十足。
主菜方面就揀咗《《松葉蟹肉五木飯》》同埋《《烤T-BONE羊扒配黑松露燒汁》》。個飯嘅份量相當十足，味道香濃蟹膏配搭鮮甜嘅松葉蟹肉，絕對係味蕾既享受。 烤羊扒方面亦都做得唔錯，保存到羊架嘅嫩滑肉質同香味。
甜品方面就要問返餐廳當日有咩揀啦~
今次食飯仲叫左兩杯cocktail，小編就唔知飲咩好，叫左bartender介紹既Golden Triangle同埋Urban CBD。咖喱食得多，第一次飲加左咖喱葉既cocktail，用浸過咖喱葉既Bacardi Rum酒作為基調，加埋梨同杏脯味既酒，有果味得黎又有少少citrus同香料味，上面仲有個薑味既泡沫，完全唔會覺得酒味太濃。第二杯都係用左Bacardi Rum做基調，係荔枝同玫瑰味既沙冰，成杯粉紅色再加埋啲沙冰啱晒打卡，飲落仲好清新添。
地址: 尖沙咀廣東道5號海港城海洋中心4樓412號舖
留言 0