點解人哋啲朋友聚會咁開心咁好玩？首先要好好問吓自己有冇好好做搞手嘅本分～如果想搵一啲方法可以聚集一大班人玩遊戲，今日睇到呢篇文章嘅你有運喇！事關小編將會集合幾個酒game遊戲教大家點玩！唔想再坐喺Party Room咁悶睇人打機唱K各自各做自己嘢，不如學多幾個酒game傍身一大班齊齊玩！

圖片來源︰網絡圖片｜撰文︰Debbie

酒Game嘅原意？

對於小編嚟講，酒Game係其中一個熱身嘅方法可以同朋友或者新認識嘅朋友放鬆心情放開去玩嘅時候，一嚟唔使怕尷尬而且飲多兩杯自自然然就唔會太拘謹。當然酒量唔好嘅人就要衡量吓自己飲到幾多！不過都建議你玩埋一份，如果到時邊個企出嚟幫你頂酒，你就會知邊個先係真朋友喇！

圖片來源︰網絡圖片

酒Game1. Beer Pong

 圖片來源︰網絡圖片

建議遊戲人數：5-10人

用具：膠杯、乒乓波、酒、大枱

難度：⭐ ⭐ ⭐

遊戲玩法：

對於Beer Pong嘅玩法其實有好多種，今次就教大家玩小編玩開嗰隻啦！

• 首先要用到10-12隻杯，倒小小啤酒落去（大約三分一杯左右），倒到最後一隻杯要倒滿。
• 然後要圍個大圈，隨機揀兩位朋友（最好對角）然後喺枱中間揀兩杯酒飲咗先再開始。
• 兩位朋友手上應該拎住粒乒乓波，之後要彈粒波入去個杯到。
• 重點嚟喇！如果你係第一次就彈到入個杯，你就可以隨機揀一位朋友波連杯隊比佢玩 / 但如果第一次入波失敗，就必須要傳俾你嘅下一個喇。
• 如果咁啱你同你嘅下一位朋友都玩緊，而你又早過你朋友彈到粒波落個杯呢，你就可以將你個杯CUP落你朋友個杯到，咁你朋友就要係出面飲多個杯，再由第一隻杯玩起喇！
• 隨住啲杯越疊越高，難度升高之餘緊張感都會提升！事關去到最後一個就要飲哂倒滿咗嘅個嗰杯㗎喇！

個別提早完Game嘅例子：如果玩彈波嘅途中 唔小心將粒波彈咗去出面啲酒，仲要係最滿嗰杯呢，就要飲晒同完Game喇。

 酒Game2.Wing Of Fire

圖片來源︰網絡圖片

建議遊戲人數：6-7人

用具：酒杯、唔同嘅酒、大枱、啤牌

難度：⭐ ⭐

遊戲玩法：

呢個遊戲嘅Set Up相當簡單，但如果抽牌運麻麻真係要有心理準備要不停飲，所以酒量差就記得搵朋友幫手喇！

• 首先要擺圈圈陣 ，啤牌要呈圓形擺放！中間留一個空位放吉嘅酒杯
• 之後就係要Set Rules, 啤牌A-Q都可以任你地Set,例如：抽到6就要全部女仔飲，抽到2就要做陪酒員如此類推。
• 訂好晒規則之後就可以抽牌喇！留意返，如果抽牌嘅時候，個環唔小心斷開咗，唔好意思你係要飲晒中間杯酒嘅～如果仲未有人開始加酒你就已經斷開，你係要飲Double嘅～所以要小心啲。
• 抽到K就會有少少唔同，就係可以加酒喇！頭三位抽到K嘅朋友都可以向中間隻吉杯加酒，加幾多、加咩酒都可以自由發揮！第四個抽K嘅朋友，恭喜恭喜，你要飲晒中間杯酒，咁個Game先算完嘅！

Rules例子:

A. 指人飲

2. 陪酒員

3. 私片

4. Link

5. 圍枚

6. 廁所牌（抽到先可以去廁所）

7. 做動作

8. 撞機

9. Set rules

10. 自己飲

J. 上家飲

Q. 下家飲

K. 加酒，Last King飲哂

酒Game3. 過5龍（紅黑大細）

 圖片來源︰網絡圖片

建議遊戲人數：4-5人

用具：啤牌同酒

難度：⭐

遊戲玩法：

三個遊戲入面呢個應該係最簡單同冇技術可言，遊戲優勢就係加速中招機率！不過純運氣型既酒game,如果一個唔好彩下下都估唔中，就要飲好多杯了。

• 首先要洗牌洗得勻循啲，然後派牌嗰位朋友要依照紅黑大細嘅順序問 5 Round。
• 好彩你5 Round都估得中就可以唔使飲，但5Round內錯一次都要飲之後就要由頭玩多次㗎喇！

以上呢幾個遊戲都非常好玩，仲好適合唔同大小聚會添！但如果要喺街逐支酒買咪好麻煩😡？唔使怕！其實依家有好多網上商店都有賣Party Set，有酒SET賣，睇吓以下呢幾款又啱唔啱用啦。

精彩派對必備氣泡酒套裝12支 

有啲女仔會怕肥所以會唔鍾意飲啤酒🍻！所以小編認為搞手可以細心啲，準備啲易入口又甜甜地嘅汽酒俾女士們飲～味道似果汁又使怕苦仲唔會咁易醉添！

圖片來源：樂事會

韓國果味燒酒套裝 

適合女仔飲嘅除咗有汽酒之外，預算較小嘅搞手都可以考慮韓國燒酒㗎。套裝入面有十款唔同果味，每款兩枝，甜甜哋又唔會涸喉，飲厭咗嗰陣味仲可以揀其他慢慢試呀！

圖片來源：韓遊網

入門酒烈酒及甜酒套裝

若然你班朋友已經係去到小編呢個Lv,千杯不醉嘅就可以試吓買啲酒精濃度強啲嘅烈酒喇！烈酒都有好多種飲法嘅，小編就建議買多啲Mixer溝嚟飲，唔好懶醒乜都唔整就當水飲呀，幾杯就可以Say Bye Bye!

圖片來源：Flair Iron Store

記得成年先好飲酒同埋記住飲酒要量力而為，一但發現自己飲完心跳得好快同唔舒服就要飲返杯水休息吓！希望大家聚會同Re-U都用得著！成為Party上嘅最後生環者！

——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/