作為香港游泳代表，何詩蓓屢次做出佳績為香港爭光，而黎緊嘅巴黎奧運又點少得佢嘅身影。
雖然曾經經歷過唔少大戰，但係究竟運動員心入面又係點面對緊張同埋壓力嘅呢? 你又估下何詩蓓坐飛機最鍾意睇咩電影? 同埋賽前有咩會做呢?
問：詩蓓你參加咗咁多場國際比賽，面對奧運大型賽事應該經驗老到，你仲會唔會緊張？面對壓力你會點處理？
答：對比以前，而家真係比較唔會緊張，當要搭飛機去其他國家比賽，我會揀啲比較輕鬆勵志嘅電影嚟睇，國泰上面有好多唔同電影揀，我最鍾意睇反斗車王同功夫熊貓，次次睇完我啲鬥志即刻返番哂嚟。有壓力嗰陣，我會深呼吸，嘗試放空自己，乜都唔好諗。同埋，我會睇返自己練水同埋比賽嗰陣，每圈嘅心跳次數，嚟調整返自己嘅呼吸。
問：面對大型比賽，你覺得最難克服嘅係咩？
答：對於我嚟講，最難應該係游完一輪，成績唔好，第二日要繼續比賽，唔只要即刻調整好個心情，話俾自己聽要堅持唔好放棄，仲要盡快恢復返體力，用最好狀態迎接第二日嘅比賽。
問：去外國比賽最驚遇到咩情況？
答：最驚係長途機訓唔到，飛機唔準時同埋行李唔見咗，因為比賽期間好需要全神貫注，呢啲瑣碎嘢好耗神，但國泰就好少會有呢啲情況發生，啲行李從來都冇唔見過。座位亦特別舒服，所以搭長途機完全唔驚訓唔到。
問：你比賽之前有冇咩特別習慣或者賽前儀式？會唔會帶住自己嘅幸運符或者吉祥物？
答：我唔係啲迷信嘅人，所以冇乜特別嘅賽前儀式，但同好多職業選手一樣，喺落水之前會用按摩滾輪幫自己拉吓筋、伸展吓咁，做好哂熱身先落水。我有個比較特別嘅習慣係會整靚啲手指甲先去比賽，個感覺就好似幫自己換咗副戰鬥格咁，等自己嘅鬥志高昂啲，哈哈！
問：咁你而家嘅訓練行程係點安排？通常會做啲咩鍛鍊身體？
答：我每個禮拜都有10節游水訓練，除咗星期日之外，其餘時間都會去泳池練水。除咗練水，仲會每個禮拜做2次健身，做踩部單車機同埋做瑜伽，鍛鍊自己嘅肌肉強度，間唔中仲會做下深蹲、引體上升同伏地挺身，呢啲健身動作對游水都好有幫助。
問：我哋都知道職業選手嘅實力已經有返咁上下，訓練嗰陣仲可以點樣去提升自己嘅速度，喺咁多精英之中突圍而出？
答：當你去到有精英運動員嘅實力，就算淨係提升0.1秒都好難，所以我哋要針對每個細節去改進。我同教練會不斷睇返我練習同比賽嗰陣嘅錄影片段，去分析返仲有咩細節可以再做好啲，例如上水抖氣嗰陣頭嘅角度，又或者踢水嘅時機。去到奧運呢啲等級，決勝嘅關鍵通常就喺呢啲細節到。
▼Follow 熱話HOTALK
Instagram: https://www.instagram.com/hotalk_hk/
Facebook: https://www.facebook.com/hotalkhk