中菜廳「玉」‧山海景歎精致粵菜🌼🌿✨

喜歡中菜嘅朋友，不妨去香港富麗敦海洋公園酒店嘅中菜廳「玉」試試！呢度由米芝蓮星級行政總廚賴正成師傅掌舵，可以喺絕靚嘅山海景致下，嘗一系列新派粵式佳餚！

今次我同朋友就嘗了午餐菜單，一系列暖心佳餚包括精緻點心、燉湯和新鮮海鮮等，所有菜品都以現代烹調手法與傳統粵菜融合，味道別樹一格！此外，師傅仲好尊重香港仔漁村歷史文化，特意採用本地和鄰近區域的海鮮入饌，由食材到味道都夠晒地道！

✦ 露酒涼拌鮑魚
鮑魚好爽好鮮，入口冰涼，作為頭盤真係好開胃！

✦ 「玉」三碟
三碟包括金腿蝦多士、蜜汁餞叉燒、肉骨茶小籠包。金腿蝦多士超酥脆可口，蝦肉好鮮甜爽口！蜜汁餞叉燒用咗黑毛豬，肥瘦得宜，肉質爽嫩，一試難忘！至於肉骨茶小籠包就最獨特，飽滿嘅肉餡連肉骨茶湯汁包裹在薄如紙般嘅小籠包皮中，鮮甜，帶淡淡藥材香，唔洗調味都好夠味！

✦ 艇家魚湯
選用咗香港仔魚市場直送嘅新鮮海鮮熬湯，如花膠、南澳帶子及東星斑等，湯入面嘅魚鮮唔似出面嘅湯咁，煲到爛晒，而係仍維持到個爽口鮮味嘅狀態！奶白色嘅湯好鮮甜，飲完好養顏。

✦ 鮮蟹肉焗釀蟹蓋
呢款將新鮮蟹肉連蟹蓋，盛載喺金色螃蟹狀盤子中，上面仲鋪咗一層溶化了嘅車打芝士，食上口芝士及蟹肉香氣滿溢口腔，口感一流。

✦ 雪嶺紅梅映松露
另一款自選主食，由龍蝦＋蛋白＋松露製成。食上口好滑嫩，蛋白充分吸收咗龍蝦及松露嘅鮮味，簡單就好好味。

✦ 濃魚湯魚茸浸菜苗
食完豐富主食，食呢個菜苗落格幾好！個湯好鮮甜！

✦ 瑤柱蛋白海鮮炒飯
正常蛋白炒飯，入面有蝦肉、瑤柱、蟹肉及魷魚粒，用料好豐富。

✦ 楊枝甘露伴奶黃鳳梨芝麻棗
楊枝甘露正常發揮，比較有驚喜係奶黃鳳梨芝麻棗，外層好似煎堆，入面包咗由鳳梨、芝麻及棗製成嘅內餡，食落酸酸甜甜，幾特別！

📍@fullertonoceanpark
With：@thousandmiles.journal, @linggholic_, @miffyyhui
✾分類標籤
#daydaycheckin_macao
👆ᴿᵉᵃᵈ ᴹᵒʳᵉ

★－:+:－:+:－:+:－:+:－★
星耀廊 Lighthouse Lounge
◌ 地址：黃竹坑海洋徑3號香港富麗敦海洋公園酒店1樓
★－:+:－:+:－:+:－:+:－★

生活