天氣凍凍哋，又想買部暖風機！腦場Sales係好嘢嘅，放浴室、睡房、客廳嘅暖風機/暖爐我都買齊喇，但係放枱面、吹住上半身、暖住雙手用Keyboard打稿，又真係幾爽皮嘅，搞到我都要攞上手玩兩嘢。
.
文：肥通
.
睇見佢個名都真係幾爆吓，全朵係「日本MyHeater PTC智能音樂冷暖風機 / $399」，先嚟拆解吓，日本係指品牌、MyHeater係自私用、PTC係陶瓷發熱、音樂係指內置埋藍牙喇叭、冷暖風機係夏天吹涼風、冬天又有暖風……哈哈哈！真係叻過肥通起文稿標題。
.
開機試用，基本2-3秒內已經感覺到出熱風，十零秒就已經有穩定熱風輸出，而且600W-700W嘅輸出，又唔係太食電，開多部暖吓手同上半身，喺咁冷嘅日子，都唔算太奢侈；暖爐嘅基本嘢，好似過溫、傾側、高溫會自動關機，呢個年頭呢類安全嘢，一定唔少得啦！
.
不過留意點係佢機面有一個顯示屏幕，會模擬火光效果，而且仲會發出燒樹枝嘅啪啪聲……生活品味嘢我識條鐵咩，不過有啲嘢喺枱面閃吓、閃吓，半夜要用電腦，個人覺得係冇咁苦悶嘅，你唔鍾意當然亦可以熄鬼咗佢。
.
較特別嘅CrossOver，係機身居然內置藍牙喇叭，聲效不過不失啦，對住電腦點解仲要多隻喇叭……咁有時喺書枱或電腦枱，都會做吓其他嘢嘅，唔開電腦時，連接手機、聽吓網台、聽吓Youtube或聽歌，都唔使話成日要着電腦咁麻煩嘛，或者部機更多功能，感覺會更抵玩一啲。
.
查詢：京士影音（2986 9880）
地址：深水埗福華街161-175號福仁商場1樓21-22號舖

.

《報紙佬》
youtube：bit.ly/3nKxWjz
.
#暖爐 #枱面 #MyHeater #腦場
#報紙佬 #副刊 #Supplement #Gadget #手機 #模型 #玩具 #Games #飲飲食食 #旅遊 #美妝 #健康 #寵物 #開箱 #實試 #媒體 #media