雖然大部份父母都會愛錫自己的孩子，但亦有些人根本不懂得怎麼去愛子女。本地一名中學女生，自小不獲媽媽喜愛，甚至被她語言傷害、人身攻擊，女學生不明白為何媽媽憎恨她，認為自己及不上媽媽的「寶貝仔」，上網問：「我到底要做啲咩先可以令佢鍾意我呢個囡？」
Photo from 《非同凡響》劇照
媽媽討厭女兒的四個例子
女學生在社交平台「nss.secrets」發帖：「唔明點解媽咪咁憎自己？」，從小到大便不獲媽媽喜愛，經常被她否定，無論事主甚麼做，也難以改變媽媽對她的態度，她例舉了四個例子：
事件一：
「細個嗰陣，因為我比較內向，所以朋友唔多，有個男仔見我好蝦，就偷咗我本筆記簿，我告咗老師，個男仔本身都同我道咗歉，呢件事已經解決完啦，我媽咪一到學校就喺度鬧爆我，話點解我要咁麻煩，搞到佢同嗰個男仔嘅家長做唔到朋友…?我係比人蝦嗰個，到頭嚟你鬧我？？？」
事件二：
「四年級嗰陣，我比一個男仔表白，佢寫咗一大堆情書比我，我都知道呢個時候唔適合拍拖，就拒絕咗佢，結果我媽咪係我書包入面搵到一封，佢咩都唔問就摑我巴掌，話佢咁辛苦養大我就養到啲咁鍾意做雞嘅人，只可以講我真係唔明我做錯咗啲咩」
Photo from 《返校》劇照
事件三：
「六年級我開始嚟m，有一次經期痛到就嚟暈，我媽咪都話點解要咁扮晒嘢，一定要逼我返學，到咗我喺學校嘔出嚟，佢先肯比我休息下」
事件四：
「中一壓力太大，我去睇醫生先知道有咗焦慮症，我媽咪就話佢當年都係咁樣過嚟，話我唔好因為懶就扮晒嘢，而家佢甚至同我d親戚講話我係個鐵定要做底層人士嘅人，我而家讀緊band1A學校，佢硬唔比我轉學/休學，搞到我每晚都喊得超崩潰」
Photo from 《一周的朋友》劇照
媽媽直言後悔生事主
事主覺得媽媽不愛自己，每次她想跟媽媽哭訴，希望媽媽能安慰她，結果換來對方冷言冷語，「佢就會話點解佢會生到我啲咁嘅垃圾出嚟，真係好後悔生到我，如果比佢多一次機會，佢寧願係我出世嗰陣殺咗我，我真係好唔開心，自己最重要嘅家人竟然咁樣諗自己。」
為了討媽媽歡心，事主努力做好自己，但感到一切也白費，難道是媽媽重男輕女？「我真係唔明，我一直都好努力咁溫書，對人都好有禮貌，成績又好，點解媽咪仲係對我咁唔滿意，係唔係佢覺得我唔夠靚？或者我比唔上佢個寶貝仔？我真係唔知道而家可以點算，我到底要做d咩先可以令佢鍾意我呢個囡？」
Photo from 《下流上車族》劇照
建議接受現實愛自己
網民看了女學生的帖文後，盡力幫她找出合理原因：「有可能喺你媽媽生你嗰段時間/生你之後同你爸爸關係唔好/離咗婚，所以覺得你係佢剋星，但始終樓主冇提及過爸爸，所以我都唔敢擅自判斷，而另外一個可能就係你媽媽偏心，因為喺最後段你有提及到係咪自己比唔上佢個寶貝仔，所以我估你應該有個阿哥/細佬，可能你媽媽比較偏心，令你有咁不堪嘅經歷」、「有冇一種可能佢根本唔係你親生阿媽」、「舊式主義，重男輕女」。
網民認為無論事主做甚麼，也難挽回媽媽的愛，不如接受事實，「建議樓主接受『母親唔愛自己』事實，然後唔好再考慮用『討好』換取『愛』，因為可以話係冇用且只會更加內耗」、「唔好期望佢鍾意你，亦唔好因為佢而討厭你自己，依家最緊要就係你要對自己好，唔需要順應佢嘅期望改變自己」、「你一定要經濟獨立，咁先可以同佢老死不相往來，佢咁重男輕女就由佢啦」。
Text：Mami Editorial
Source：nss.secrets
留言 0