比利時列日窩夫Liège Waffle 你試過未？heart in place 自家製出品嘅列日窩夫做得地道，兩年前喺銅鑼灣白沙道開設樓上店，最近剛搬到西營盤地舖，繼續供應向來受歡迎嘅列日窩夫！
呢款起源於比利時列日地區 (Liège)因而命名，其特色係窩夫比較細片，形狀上兩端呈圓邊，而面層會有糖珠結晶，口感比較紮實而外層焦脆香甜。
此店嘅列日窩夫全為自家製作，麵糰經兩小時發酵，現有 Classic ($48) 及抹荼 ($52) 兩款味道，還有更多口味將會推出。
餐牌另有鹹食，包括意粉、小食及三文治等。店主喜歡貓咪，其中一款 panini 有着有趣嘅菜式名字，「貓咪的早午晚餐」（$88）其實係芝士吞合魚餡料，Panini 外脆內軟十分可口。
Café 內放有很多書本，尤其村上春樹嘅著作，而餐牌則有兩個版本，分別給獨自前往或與朋友同行嘅客人，內有店主給客人嘅寄語。
咖啡店室內空間只能容納 10-12 人，但後門有一個露台天園位置，十分開揚幽靜，在此店歎咖啡、看書，與店主聊聊天，比一般嘅咖啡店更有人情味，也有滿滿嘅文青氣息。
地址：西營盤西邊街 21 號地下
營業時間：試業期間 8am-9pm
留言 0