西貢4間小店合集海景鰻魚飯店＋手作芋圓雪糕＋好Hea日光Cafe｜區區搵食

假日去西貢唔知食乜好？今次記者為你整理了4間特色店舖，有180無敵海景下歎鰻魚飯、白色小房子配原木家具的輕食Cafe、自家製煙韌芋圓和手作雪糕配咖啡，趁長假期，去西貢慢慢Hea一日！

撰文、圖片：新假期資料室

1. 180度無敵海景 Chill住歎Omakase＋鰻魚飯

位於西貢白沙灣的The Pier Hotel，位置較為隱秘，若非刻意尋找便會錯過。The Pier Hotel 內只有一間餐廳，Wa Theater Restaurant，甫一進門率先攝入眼簾的是180度海景，原來餐廳正正對著西貢遊艇會，蔚藍海岸讓人心曠神怡。

店內主打Omakase，午市時段亦有鰻魚飯、A4和牛照燒等地道日本菜式。先說Omakase，由前菜、刺身到主菜，均是廚師別出心裁的精緻傑作。如前菜內的無花果炸蝦棒，無花果獨有的清甜味道中和炸物的油膩感，香口開胃。主菜方面則有北海道十勝和牛，以及南非鮑魚肝醬飯。前者並無添加過多調味，脂香肉濃；後者味道有驚喜，廚師會先用上昆布、白神山和煮酒柔煮3小時，讓纖維軟化，後再以鮑魚肝汁混和米飯，口感Creamy，鮮味十足。

天Sen Set $1,000/位（7道菜、為晚市供應）

日本成田河鰻午市限定鰻魚飯

雖說Omakase 是主打，但店內其他菜式亦出色。特別是鰻魚飯，選用日本成田河鰻，圖其夠厚肉，啖啖肉夠滋味！先把鰻魚蒸製把過多的油份去除，肉質變軟腍，再用火槍烤至半熟狀態，待有柯打時放到爐上塗抹醬汁慢燒，醬汁因用上鰻魚骨、味醂、日本冰糖熬煮，味道香甜濃稠，更能吸附於鰻魚肉上，甘甜可口。值得一提是店內不論烹調過程，還是客人飲用水源均用上日本白神山水，水質純淨溫和。菜式價格相宜，單以海景環境、食物質素以及廚師別出心裁的做法，這個價錢，抵畀！

A4和牛照燒$480（午市供應）選用西冷圖其牛肉與油份的比例平均，不會過膩。醬汁更用上青蘋果、洋葱蓉等材料手磨而成，入口會嘗到點點顆粒，更添口感。廚師更會放上幾片新鮮仙人掌葉在側，可與牛肉同吃，清新味道能中和油膩感。

Wa Theater Restaurant

地址：西貢白沙灣碼頭酒店地下（顯示地圖）
電話：2779 7797
營業時間：星期一、三至日 12nn-2:30pm、6:30pm-10:30pm
人均消費：午市$440；晚市：$800
備註：設加一，收現金、信用卡

2.自家製手工芋圓＋招牌糖水

雖然西貢有不少美食，但台灣菜的店鋪就少見，有2位90後情侶就正正看中這一點，最近在西貢開設第一間台式料理小店。小店地方小，坐得二十多人，以簡單台灣小吃麵食及甜品為主。主打3款芋圓糖水，台式定食、小食則有魯肉飯、牛肉麵、鹽酥雞、花枝丸等，平均消費相宜，人均大概$50，就說不吃正餐，經過坐低吃碗糖水或小吃，老闆亦無任歡迎。

說到店子的招牌芋圓，出自老闆好友所開設的著名人氣店「芋圓圓」，芋圓每日新鮮製作，有質量保證，因此希望以自己的台灣料理及芋圓圓的芋圓打造一間台式小店店。芋圓分別有3種口味，包括紫薯、芋頭和蕃薯，食落口感煙韌，用來配仙草一流。

除了經典的芋圓仙草，店內也有2款招牌糖水供應，同樣可以配芋圓。推介招牌黑糖桂圓和木瓜雪耳，其中滋補養生的黑糖桂圓糖水，味道不會太甜，桂圓和芋頭口感Q彈。而木瓜雪耳糖水，入口滋潤，是女士的最愛。兩款糖水是秋冬的最佳選擇！

香辣紅燒牛肉麵＋即炸鹽酥雞

其他食物也有驚喜，紅燒牛肉麵，老闆選用了台灣關廟麵，麵身尤其爽口彈牙，而牛肉經長達8小時熬製，所以肉質鮮嫩多汁，連蘿蔔都多汁夠腍！

魯肉飯配鹽酥雞，雞件即叫即炸，新鮮熱辣，鹽酥雞粉漿不厚，炸得好鬆脆，入口多汁，記得要襯熱吃！

黑糖豬軟骨飯同樣吸引，豬軟骨軟綿容易入口，多汁夠腍，連骨位都燜得軟腍且彈牙，口感似牛筋。

九十後創業源於信念

2位年輕老闆Candice和Ryan，由樓面到廚房也一手包辦，開這間店以前，分別從事新聞業和食品貿易工作，故烹調的技巧是自學，以及向朋友偷師。他們表示希望可以在年輕、輸得起的年紀，嘗試創業，雖然在西貢開鋪要承擔一定的風險，因為西貢人流比巿區少，收入夠應付日常開支已經不錯，希望靠一步步的努力，生意愈做愈好。

2位老闆表示，未來會增設台式飲品，如黑糖珍奶、香蕉木瓜奶等，以及素食，如豆漿湯底，以傳統加健康食物為主，因為西貢人都注重健康。

壹屋子台式料理
地址：西貢福民路58-72號高富樓地下11號舖（顯示地圖）
電話：92931334
營業時間：星期一至日及公眾假期12:00pm-10:00pm
備註：只收現金

3. 80後混血兒夫婦好Hea日光Cafe

「兩公婆夾手夾腳在西貢海邊開間cafe，平淡地過日子」，是多少香港人日夜追求的夢想，不過談何容易？偏偏Jade 和 Adam 就能夢想成真，在西貢開了咖啡店Little Cove Espresso，最近還小舖搬大舖開到海旁廣場，賣優質咖啡及全日早餐All Day Breakfast，假日入開西貢，又多間咖啡店選擇！

因老闆有埃及血統，餐廳由裝修至食物都加入地中海元素，白色小房子配原木家具，簡約舒服，一入門口，就很有度假 feel。

咖啡店Little Cove Expresso的老闆Adam、Jade是兩位80後混血兒，西貢國際學校畢業後分別離港升學，2011 年兩人回港度假，在西貢街頭偶遇，愛火瞬間閃燃。Adam決定陪 Jade飛到墨爾本讀書，並在cafe找到工作。至2015年Jade在澳洲畢業，二人搬回香港，當打工仔一陣子後，剛巧他倆每星期都幫襯的café 準備結業，兩口子商量後決定接手，一做3年，直至業主加租，兩人在西貢海鮮街附近重新覓得現在的新舖，9月重開。

Adam是埃及、英國混血兒，在西貢土生土長，本身雖有物理治療師資格，卻嚮往開 café 的自由生活。

西貢賣墨爾本x地中海風全日餐

Adam是英國混埃及，Jade是澳洲混香港，二人從未涉足餐飲，由裝修到搵供應商都一手一腳，Jade負責構思餐牌，做甜點蛋糕，Adam主力沖咖啡，當年在墨爾本cafe打工時，學到的通通派上用場。有埃及血統的Adam喜歡在食物中加入中東香料，比如dukkah、 zaatar 等，吃起來有種神秘的香味。而餐牌上有不少素食、無蛋奶或者無麩質的健康選擇，外國客非常受落。

煙三文魚配天然酵母麵包 $88 每件有3大片煙三文魚，足料；加上中東獨有的labneh，味道似cream cheese，卻更香甜滑溜，配上帶檸檬淡香的香料，感覺清新。

椰香奶凍杯 $88、薑黃 latte$36 奶凍椰香味濃，質地細滑，伴碟的南瓜籽燕麥片非常脆口，配合健康的奇亞籽及熱情果同吃，酸酸甜甜，很開胃。至於薑黃latte，薑味、奶香很平衡，有抗氧化及增加扺抗力的功效。

薄利多銷親民價賣單品咖啡

「我覺得咖啡是日常必需品，好似麵包一樣，應該人人都負擔得起。市面咖啡店賣到五、六十蚊杯，太貴了！所以single origin，我們只賣$28，薄利多銷，希望人人都可以享受到。」或者就是這些與別不同，當初開店第2個月，已經有錢賺。

烤中東哈羅米芝士 $105、Cappuccino$46 用上藜麥、哈羅米芝士(haloumi)、火箭菜、番茄、青瓜片、牛油果、紅菜頭、鷹嘴豆等做成，非常豐富，吃時要拌以自家製的芝麻醬，麻香細膩，食到每種材料的原味卻又不覺單調。

牛油果蓉配天然酵母麵包 $95 ( 配紅菜頭鷹嘴豆泥、埃及混香料 ) 牛油果蓉落得夠大方，滿滿堆在多士上，旁邊的紅菜頭鷹嘴豆粉糯幼細，帶微甜，混和埃及香料同吃，很有中東風情。

餅櫃內有 muffin、brownie、曲奇、芝士蛋糕，天天新鮮出爐，都是老闆娘 Jade 的 homemade recipes，很受歡迎。

Little Cove Espresso
地址:西貢海旁廣場兆日樓地下1-2號舖（顯示地圖）
電話:9572 8560
營業時間:7:30am-6pm
備註:不設加一，收信用卡

4. 西貢食街咖啡雪糕小店

Hushush ，這家西貢咖啡店，隱藏在食街內，叫人難以相信，這巷弄裡的小小店，從原粒可可豆開始，做朱古力雪糕，沖熱朱古力。Kammie當了十年的Barista、炒豆師、咖啡評審，歲月有功，味覺訓練有素，愈喝愈精，愈試愈闢，對果酸、花香、煙燻之類，細緻且幽微的氣息與味道，尤其敏感，尤其著迷，就連簡單的甜點，一杯熱朱，一球雪糕她都要從地球另一端，搜羅原粒的可可豆，在自家小小的咖啡店裡，由豆做起。