大富翁向來都係以買地起樓賺錢為賣點嘅board game，不過新推出嘅大富翁千禧版就一改傳統，唔再以房地產買賣為主。
新版大富翁盒上依舊印咗靈魂人物個嘜頭，佢戴上太陽眼鏡同耳機，仲拎住杯咖啡自拍，非常切合「千禧世代」嘅主題。
而棋就換成社交媒體常用嘅笑喊emoji、hashtag等。
喺新版大富翁入面，要贏需要參加唔同活動以獲取生活經驗值，例如去餐廳食飯、去旅行等等，最後由最多經驗值嘅玩家勝出。
不過呢個版本似乎仲有另一深意，喺盒上印有一句話：「Forget real estate. You can't afford it anyway.（忘記房地產，你點都買唔起。）」
唔知係咪因為呢個原因，所以新版玩法唔再係買賣房地產，而轉成參加不同嘅活動。
新版大富翁售價係19.82美元，約$155港幣，上架之後反應熱烈，已經售罄。
大家對新版大富翁又有咩睇法呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0