請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

5大奇怪英文名 香港人最常改!Mosquito、Server都有人叫?網民:唔怕生壞命最怕改錯名|網絡熱話

唔少香港人都會改個英文名,方便返工返學互相稱呼用。不過「唔怕生壞命,最怕改錯名」,雖然中文名好多人都會搵相士專登批命再改,反而香港人英文名就改得比較隨便。有網民就喺討論區以《點解香港人啲英文名可以咁XX》發文,表示自己生活中遇到唔少個英文名千奇百趣嘅人,仲引起一眾網民討論!

香港人奇怪英文名5大類別

食品類:Apple、Lemon

大多聽到食品類的普遍英文名都是 Apple、Lemon 等等,有網民分享曾經遇過有位叫 Banana 的客人,而該客人更在 Email 下款用中文寫上「蕉」作為自己簽名,令網民爆笑起來。另外,有網民遇過有人叫 Kitkat,相信「Kitkat」一定是一位朱古力愛好者。有網民稱工作時遇過有客人名字叫Vinegar,不知「Vinegar」平日是否愛「吃醋」呢?

究竟叫蕉有咩含意?(圖片來源:LIHKG討論區截圖)
經典對白可以套嚟叫蕉嘅呢位朋友身上。(圖片來源:電影《賭神》截圖)
可能真係太鍾意食 Kitkat?(圖片來源:LIHKG討論區截圖)
改名之前應該要查一查字典!(圖片來源:LIHKG討論區截圖)

城市類:London、Paris

Netflix《紙房子》裡的角色都會用城市名作為稱呼以掩蓋自己真名,但原來現實中亦有人用地市名作自己的英文名,例如:London、Paris、Brooklyn 等等,有網民覺得很奇怪,但有網民稱其實有很多外國人都會用這些改名,如美國名媛 Paris Hilton、碧咸大子 Brooklyn Beckham 等等。

其實 London 係外國都算 common!(圖片來源:unsplash@Charles Postiaux)
用城市改名絕對唔奇怪。(圖片來源:LIHKG討論區截圖)
係有呢啲地方名先,定有呢啲人名先?(圖片來源:LIHKG討論區截圖)

動物類:Cat、Tiger

Cat、Tiger、Kitty 都是常見人們多數會用的英文名,不過亦有些名卻令網民感到匪夷所思,例如Dolphin、Fish、Mosquito 都是網民覺得非常奇怪的名字。

Dolphin 都未算好奇怪。(圖片來源:LIHKG討論區截圖)
好多人中文係如都會叫fish!(圖片來源:LIHKG討論區截圖)
叫mosquito難道係鍾意蚊?(圖片來源:LIHKG討論區截圖)

物件類:Server、Window

不少網民都出奇有人會用物件類作為自己的英文名,其中有網民遇過做 IT 行業的人叫自己做Server,又有網民聽過有人叫 Tissue、Window,都是令人大開眼界嘅名字。

用物件改名都好常見。(圖片來源:TVB《愛回家之開心速遞》截圖)
IT 人要配合返一個 IT 名。(圖片來源:LIHKG討論區截圖)
Tissue 都有好多意思㗎!(圖片來源:LIHKG討論區截圖)
Window。 (圖片來源:LIHKG討論區截圖)
Hello Window!(圖片來源:新假期編輯部)

中文直譯類:Ming、Yan

在中文直譯類中,比較常見既都是中文名叫阿明英文名便叫阿 Ming,或者中文名叫阿欣英文名叫阿 Yan,不過有網民遇過有叫家偉的人英文名竟叫 Kawaii,又有叫穎彤的叫 Ringtone,令網民爆笑。

以下有兩個先至最奇怪。(圖片來源:TVB《愛回家之開心速遞》截圖)
用返中文名改名,其實好正路!(圖片來源:LIHKG討論區截圖)
男人老狗叫Kawaii?(圖片來源:LIHKG討論區截圖)
咁佢都係夾返自己中文名嘅!(圖片來源:LIHKG討論區截圖)

原文刊於:GoTrip