印尼廉航獅子航空編號JT610嘅波音737 MAX 8客機，星期一喺雅加達起飛後無耐就喺爪哇海墜毀。
機上嘅189人全部罹難，呢幾日搜救人員都努力打撈遺體同遇難者嘅遺物。
其中喺打撈到嘅遺物入面，有一個DIY手機殼，上面印住一對男女牽手嘅背影相，並肩喺橋上行，睇落好恩愛。
有網民上網搵到原圖嘅出處，原圖嚟自Instagram，由帳戶ineyunitasi喺舊年8月27號發佈。Caption係一段印尼文，大意係：「邁出嘅每一步都係一種祈禱，希望每一步都會成功，每一個祈禱都會帶嚟祝福。」
雖然官方未公布相中人係咪就係遇難者之一，但已經有好多網民紛紛喺個Post留言：「雖然倖存嘅可能好細，但仲係相信有奇蹟⋯⋯」、「無論結局係點，我希望佢地可以永遠喺埋一齊」。
希望呢次空難嘅遇難者都可以安息，佢地嘅家人同朋友都可以節哀順變。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0