講起深水埗呢個舊區，大家都會諗起賣電腦、批發好平。但近排大家有冇留意，佢已經悄悄換左新裝，希望大家經過，都會望下低調嘅佢！
薩凡納藝術設計大學香港分校（SCAD 香港）最近展開左一個計劃，想為車站換新裝，目的係想以全新嘅視覺美化同改造，為乘客帶嚟新鮮嘅體驗，亦將藝術進一步融入社區！
呢次嘅作品喺站內唔同嘅位置，包括車站大堂及月台展出唔同嘅藝術品，透明圍欄、站柱以至特別訂造嘅創意座位都遍佈成個車站範圍！
藝術作品都以深水埗為主題，好似街邊好常見到嘅大排檔摺櫈、一棟棟嘅舊唐樓都重現左喺車站入面，好似睇哂成個市區嘅宿影咁～
大家經過深水埗港鐵站嘅話不妨嚟欣賞下啦！不過想打卡嘅話，要記得守秩序，唔好騷擾到其他乘客同途人呀！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0