麵包控又多一個新選擇！喺天后廟道呢間麵包店由名字至店內設計都有日本麵包店嘅風格，名字叫作 Aozora，喺日本解作「清徹的天空」嘅意思。
淡木色嘅門框、木牌子、陳列櫃等，都有簡約嘅和風氣氛。原來身兼麵包廚師的店主曾到日本學藝，開設此附有工場嘅麵包店，每日自家製作新鮮出爐麵包，原個酸種麵包、法式棍包、酒漬果乾法包、雜榖裸麥麵包等，會喺店內寫上出爐時間，上午及下午各有一批。
喜歡鬆軟口感嘅話必選各款生吐司，有紅豆、朱古力、忌廉芝士、葡萄等多個口味，最新推出嘅千層生吐司 ($30)。望見一層一層嘅造型，真係可以將吐司逐層撕起，內裹鬆軟輕盈而充滿牛油香！
此外法式甜酥類嘅麵包是店主拿手之作，牛角包、朱古力牛角等基本款式有齊，杏仁牛角包及檸檬牛角包有滿滿餡料。榛子果仁酥可望見清晰層次，麵包脆粒塗滿牛油及香草，當作零食也不錯。
地址：天后廟道 14 號地下
營業時間：星期一至六 8am – 7pm
留言 0