就快開學啦，講到香港校園劇嘅始祖，就要數1975年播出嘅《乘風破浪》啦，嘩！計計吓，已經係四十幾年前嘅事！由於劇集夠勵志，當年都好受歡迎架，尤其係主題曲，相信依家仲有好多人記得。呢套劇集合咗當年TVB五位年輕女藝人，分別係程可為、高妙思、莊文清、楊詩蒂同趙雅芝。
五位女生中，現時只有趙雅芝同程可為仍留喺娛樂圈，當中又以趙雅芝名氣最大，後來到台灣發展，90年代因拍攝《新白娘子傳奇》而在台灣掀起「白蛇熱」，現時在內地發展，仍然長拍長有。
至於程可為，也曾一度離開TVB，並移民加拿大，後來重返幕前，成為TVB甘草演員，並曾飾演慈禧及考莊皇后等角色。
另外三人，莊文清堪稱扮嘢高手，後來與丈夫招振強離婚，並出家為尼，近年她在訪問中表示，自己出家並非因為婚變，而是與佛有緣。
至於高妙思，後來拍過不少古裝劇集，包括《楚留香》、《小李飛刀》及《絕代雙驕》等，可惜一直未能攀上一線，到了90年代便移居意大利，最後一部劇集是《蓋世豪俠》。
最後是楊詩蒂，她在TVB發展並不大，在1980年過檔麗的電視，拍了兩套劇集後便淡出娛樂圈，後來移民加拿大，現時已沒有任何消息了。
楊詩蒂也主唱此劇的主題曲，作曲是顧家煇，作詞是盧國沾，歌曲十分勵志，現在送給大家，希望明天上學的朋友，可以破浪高飛，也希望劇中幾位陪伴大家成長的老朋友，可以好好地生活！
時時望前莫後退 人人莫愁無伴侶
迢迢路長萬里也未覺疲累
條條遠路莫怕它 重重障礙莫怕它
人人勵行勵志不掉眼淚
鵬翼高張 我地乘風去
無限旅程 聯群和結隊
帆盡高張 破浪乘風去
無限困難 終須消失去
帆盡高張 破浪乘風去
無限困難 終須消失去
聽歌：https://bit.ly/2sw2WHE
留言 0