早前內地爆發非洲豬瘟疫情，漁護處為咗應對隨時可能波及香港嘅豬瘟，部署咗相關演習，但參與演習嘅「豬仔」卻成為焦點。
食物及衛生局局長陳肇始去到漁護署視察當局對非洲豬瘟疫情嘅演習，並在 facebook po 相，而相入面嘅豬隻原來係毛公仔豬，成為網上熱話。
局長就話：「今早，我和同事們到了漁護署位於打鼓嶺的行動中心，視察該署為應對本地養豬場出現非洲豬瘟疫情的部署和演習，包括豬隻銷毀行動。」
如圖所見，被「銷毀」嘅豬隻，都係毛公仔豬，造型勁可愛，難怪有網友「錯重點」，喺局長facebook留言：「隻豬可以邊到買到？」、「排，殺完隻豬唔要可唔可以俾隻我？」、「啲豬用完係咪掉？ 想領養一隻，thx」，個個都想排隊領養豬仔。
而呢款豬仔其實曾經出現喺內地綜藝《嚮往的生活》，喺內地亦非常受歡迎，所以喺淘寶有大量嘅同款「豬豬」出售。
小編上淘寶睇過，價錢大部分都賣幾百蚊，但亦有店舖賣$35。
漁護署指演習一共用咗28隻道具大豬同兩隻道具小豬，價錢分別約為每隻$700同每隻$80。
大家係咪都好想要同款呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
