【LINE你睇】港媽出po每日$200請司機　接送兒子大埔往返何文田　網民：搭的士都唔夠畀

近年不少夫妻即使選擇生育亦頂多一個起兩個止，然後奉上全副心機、資源培育他們。近日一位港媽為了讓就讀國際學校4年級的兒子舒舒服服地返學，開出每程包含隧道費$100的薪金，於早上7時及下午3時往返大埔天賦海灣、何文田文福道。

有關招聘帖文被轉載到多個社交群組，旋即惹來網民熱烈討論。他們基於發文者為高尚屋苑住戶，又送兒子讀國際學校，推算當事人家境不俗，認為港媽出手實在太低，離地又孤寒，直指其預算甚至不足以用來搭的士。心水清的網民更計算出「私人司機」的實際薪酬：「就算行最平獅隧$8一程，來回$16、油錢豪畀你當$1/一公里，單程18公里，來回油錢都要$36，加加埋埋總成本最平都要$52」，言即只能淨袋$68！

港媽請司機事件，令網民翻炒多年前另一則笑料。自稱是「新手文員」的港女以每月$1000的預算，聘請私人司機每周至少5天接送她從沙田到荃灣上班，下班時間則先到觀塘接男朋友再到荃灣接自己回沙田。月薪同時包括部分需上班的星期六，並要求司機「自己要有車及3年或以上紀錄良好的駕駛經驗」。網民直斥其預算「連油錢都唔夠」，籲「新手文員」就應搭返巴士。

【LINE你睇】每日精選網絡熱話，源源送上新鮮事，LINE你睇唔驚冇話題。