🤎麻辣風雲 (銅鑼灣京都廣場)
🧸銅鑼灣駱克道491-499號京都廣場5樓
終於到我黎麻辣風雲，之前成日想食但係都冇食到今日終於一嘗心願💖呢度嘅裝修風格全部都係復古中國風🏮牆身有好多水墨畫嘅裝飾品
招牌酸菜魚🐟 $268（中辣+中酸）
話明係招牌菜梗係要食啦‼️呢個酸菜魚嘅特色就係可以自選辣度同酸度💁🏻♀️我覺得係一件幾貼心嘅事，因為可以根據自己口味去作出選擇🤭除此之外呢度嘅酸菜魚全部都係無骨😌唔洗怕。每一片鮮魚片都肉質嫩滑🫶🏻正呀！份量都真係幾多㗎，下面仲有寬粉🙈我想話佢哋嘅豆卜超入味😆不過我後來發現自己唔係食得太酸所以我諗下次我會叫小酸🤔我竟然食到個嘴超級麻好似比電擊咁🙈超爽🤭
水煮牛肩肉🐮 $268
（小辣+小酸）
靚牛‼️絕對唔係用普通肥牛黎hea我💯有誠意我比滿分🫰🏻❤️紅卜卜嘅外表唔足以嚇怕我😤牛肉份量都幾多，切成薄片一啖一片。同樣下面有寬粉夠晒飽😌我下次要挑戰下中辣先得🤪
炸饅頭🍞 $58
呢度嘅炸饅頭我諗都唔使我多講啦！因為簡直就係佢哋嘅signature😆好多人都叫架，因為6件炸饅頭就可以選擇用小木船去盛載，船身下面仲放有乾冰，等選擇上枱嘅時候有冒煙嘅效果🤣你睇吓我仲餵船頭嘅諸葛亮食添，玩味十足😚炸得香脆不在話下，佢哋竟然可以炸到唔會油淋淋👍🏻超級抵讚
黑松露煙燻溏心蛋 $68
溏心蛋我就真係成日喺拉麵店都會食嘅，就算係街道我都會去七仔買嚟食，但係有黑松露味嘅諗諗下又真係未食過🤔。食第一啖之後我就好肯定呢個係我食過最好食嘅溏心蛋🤭
虎皮尖椒🫑 $78
唔知有冇人同我一樣紅椒黃椒我都食，唯獨係青椒我麻麻哋🙇🏻♀️不過我個私家大廚話要食，咁就唯有頂硬上試一試啦😿初頭一上到枱，我都仲係拒絕試食㗎，但係佢同我講話叫我試一啖我就真係試咗條細嘅，點不知竟然係咁好食😋完全冇草青味，炒得勁香😋最後竟然我仲食得多過佢😆
📍 @spicy_restaurant_hk
📸 @gladysfoodie
✨Follow @foodtag.hk 一Tag在手即可搵到心水餐廳美食❤️
