「神沙車」又再出動啦！2部「神沙車」自2014年10月開始於全港18區提供硬幣收集服務後，至今已於各區停泊達22次，合共完成50萬宗交易啦！喺咁多宗交易入面，「神沙車」共收得4億1千6百萬枚硬幣，當中仲有成5億7千400萬港元咁多啊！大家又儲定「神沙」去換錢未呢？
相信屋企儲滿「神沙」嘅朋友已經等到頸都長啦！大家唔洗心急，香港金融管理局已喺日前公布今年年底至2019年3月中，「神沙車」出現地點同時間啦！
「神沙車」會喺每個地區停泊一星期，每個地區會停泊1-2次，服務時間為10am-7pm，大家可以留意以下2部收銀車停泊地點同時間，揀啱日子準備拎大大桶神沙落去換啦！
不過收銀車服務可能會受惡劣天氣、車輛維修及停泊地點情況影響而有所改動或取消，大家兌換當日記得先上金管局網站，以確認收銀車服務，先好出門啦！
圖片來源：香港金融管理局
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
