😚趁疫情，留係屋企，鍛鍊下廚藝啦！
😂尼排唔知點解好鍾意食泡菜，可能因為見到話減肥必備，所以餐餐都加d泡菜，今次想同大家分享下我成日整既兩樣泡菜料理，手殘都煮到，仲要用一個煲搞掂‼️
————————-第一道————————
🥘偽韓熔岩泡菜炒飯
材料：白飯，泡菜（一部分剪成粒粒，一部分一塊塊），炒飯材料（例如午餐肉，粟米，腸仔），蛋，芝士，調味料，紫菜
‼️大家可以準備好曬，切好曬材料先開始，就會方便d
1️⃣ 1.製作炒飯
👉🏻落少少油，炒香泡菜粒
👉🏻再落埋其他炒飯材料，炒熟
👉🏻加入白飯，炒均勻
‼️加泡菜汁，味道更濃郁
👉🏻落調味料，我自己落咗日式昆布醬油，再炒均勻
👉🏻將炒飯係鍋中間堆成半球體
2️⃣ 2.製作熔岩
👉🏻調至細火，倒少少油係外圍
👉🏻將蛋攪勻，倒係外圍（當然比多幾隻蛋就正d啦）
👉🏻加埋芝士，煮到蛋表面凝固就得啦
👉🏻鍾意既就可以加埋紫菜係飯既上面，我自己之前就係759買咗撈飯既紫菜
3️⃣ 3.影完相就直接成個fire pan 擺上台美味地享用✨✨
————————-第二道————————
🍲偽韓泡菜年糕湯
材料：泡菜，年糕，魚糕，豆腐，蛋，調味料
1️⃣ 1.炒香泡菜
2️⃣ 2.加入適量水
‼️唔好太多，如果唔係會好淡，不過唔夠味可以再加泡菜
3️⃣ 3. 煲滾之後，加曬年糕，魚糕同豆腐，調味料（同樣用左日式昆布醬油），煮熟
4️⃣ 4. 轉細火，慢慢加入已攪勻既蛋，整蛋花，煮1-3秒，然後可以熄火啦
5️⃣ 5. 影完相就直接成個煲擺上台美味地享用✨✨
—————————————————————————
▼ Follow we2log
