【搵食CONY】直撃！全新Starbucks旗艦店6大亮點（下）

睇完上篇未夠喉？繼續細數其餘三大亮點！

首創咖啡馬天尼

新設嘅Mixology Bar除咗有先前喺中環店已經推出過嘅兩款咖啡精釀啤之外，仲有用咖啡調製而成嘅雞尾酒──「特濃咖啡馬天尼」，完全令咖啡提升格調！而咖啡精釀啤亦增設一款新口味：Sparkling Kenya IPA，以肯雅冷萃咖啡同IPA啤酒揉合而成，酒體較厚而且容易入口，滲出淡淡的咖啡香氣，唔好酒嘅CONY都好鍾意。

精品咖啡體驗

Reserve Coffee Experience Bar有多位咖啡大師會透過各種咖啡沖調方法，包括：氮氣冷萃咖啡、虹吸、手沖、濾壓壺等，而選用嘅咖啡豆亦會定期更換以呈現當季風味最佳的咖啡。佢地亦推出多款全新的冷萃咖啡和雪糕咖啡，絕對係夏日之選。

8款獨家美食

除咗飲品外，旗鑑店更推出多款獨家美食。例如近年好流行嘅開放式三文治（open sandwich），可選擇煙肉德式豬肉腸炒蛋、牛油果炒蛋或煙三文魚溏心蛋伴天然酵母麵包。此外，仲有全新pizza包括火腿甜椒莫薩里拉芝士包及雜菌橄欖菲達芝士包2款輕食選擇。鍾意食甜品嘅大家切記唔好錯過3款美式鬆餅，包括意大利芝士餅忌廉鬆餅、士多啤梨鬆餅，以及焦糖香蕉朱古力鬆餅。

聽日開幕有嘢送！

Starbucks旗鑑店將於聽日（6月22日）開幕，而首200位顧客可獲贈特別版兩用手機座杯墊一個。CONY報告完畢，冇咩事返出去做嘢先啦。

香港星巴克旗艦店
地址：銅鑼灣新寧道1號利園三期1樓101-110號舖
開業日期：6月22日
開業時間：中午12時