【唔畀食糖】阿仔趁萬聖節請同學食糖 有人話教壞佢個女 港媽無奈：阿仔問係咪唔應該Share？

下星期便到萬聖節，很多學校會舉辦節日派對，讓小朋友趁機會扮鬼扮馬，感受節日的氣氛。而萬聖節最出名的活動就是Trick or Treat，小朋友會收到一堆糖果，感覺大滿足。不過並非每位家長都希望小朋友收到糖果，甚至視之為毒藥，有港媽在網上討論區發文，表示兒子在學校請同學食糖，點知事後卻被同學家長指責，令她好為難。

Photo from MamiDaily

請食糖教壞人哋個女？

該名港媽在網上討論區發文，表示因為快到萬聖節，故6歲兒子叫她買了一包糖，準備讓他帶回學校請給同學食，早前他拿了10幾粒回學校，放學時很開心說他請同學食糖這件事。不料翌日早上其中一名同學媽媽在媽媽Group tag她，說「唔該唔好請佢個女食零食，佢個女咁大個都未食過零食，唔好教壞佢個女」。港媽表示阿仔一番好意請同學食糖，沒想到會有家長不准自己小朋友食零食。港媽又說「唔知阿仔知道呢件事會唔會唔開心」，畢竟他的本意都是想和同學分享。

Photo from MamiDaily

家長緊張好正常

網民的反應意見不一，有人直言「明知食壞人都好意思分享，鮑蔘翅肚又唔見你拎出去同人分享，啲垃圾食物，你嫌命長就自己食啦」；又有人話「有家長唔畀仔女食零食，一啲都唔奇。有些係為咗小朋友健康，也有些小朋友有食物敏感，不可亂食零食」、「我都唔鐘意人哋俾糖我小朋友食，有時佢有少少唔舒服係唔可以食糖」，不過該網友說不會直接指責同學媽媽，同時要教小朋友以後不可以要同學的糖，講聲多謝便可以了。

Photo from MamiDaily

過度保護好可憐

另一邊廂，有網友說這是過度保護，孩子以後會不適應外界東西和好易病，總而言之「咩都要試，只要唔係過量」；亦有人戥小朋友好可憐，糖都未試過。更嚴重的甚至說「零食不是毒品，怎可能一生都不吃呢？這位家長這樣控制自己的孩子只會將她失去更多，而這樣的態度對待別人亦是十分失禮」、「身邊好多呢啲怪獸家長，其實好影響細路仔社交」、「這樣tag的話，不少學校的群組負責人已經要那人道歉」、「這個家長是自己沒有家教，未領牌擁有小朋友了」、「咁又唔教個女拒絕人？係到怪人哋」。

Photo from MamiDaily

解釋過後毋須再提起

港媽也有補充留言，說兒子有問她「係咪唔應該同其他同學share？」，她也不知道如何回答，唯有說：「叫佢問清楚人哋食唔食得先畀人囉，唔想搞到阿仔好自私」。不過有網友說「其實真係好小事一樁，不過你愈解釋愈描繪腦內就愈深刻就愈受影響。所以提議解釋過以後就唔好再提番起，讓時間沖淡一切，大過咗佢自然會明白」。

Photo from MamiDaily

Text：Mami Editorial

Source：香港討論區

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】