最近去左銅鑼灣探店，試左呢間日式Omakase【極鮨】
由於佢做緊每日限定優惠，第二份半價，於是就同我朋友ECHO孖住一齊去試下同埋拍片！
【極鮨】提供兩款晚市套餐，分別有「幸」HK$1380 及「匠」HK$1680，今次試嘅「匠」，則包括前菜三点、刺身六点、磯煮、壽司六貫、季節和食、湯，以及甜品。
睇落單品非常之多，今次應該可以大飽口福！😝✨
想睇得更方便，即睇影片版！
【前菜】
魚子醬牛油果渡蟹
份量真心好大份！
底層全以時令渡蟹肉拆絲再混合蟹膏製成他他！
中層全以牛油果蓉製成，增加黏稠感。
面頭再放上黑魚子醬+三文魚籽，味道口感都超豐富，食落有好重海鮮咸香，蟹肉絲都好咸鮮，牛油果淡淡地中和返極多海鮮出現的濃重咸味，平衡返，好唔錯！
水母刺身
以味噌醋醬汁拌以水母刺身，加上少量昆布，味噌醋帶少少咸鮮味，配搭完全無味但爽口彈牙的水母刺身，令到水母刺身變得好開胃，咸咸酸酸似食緊沙律咁醒神！
唐揚池魚仔
一碟有8小條，份量真心好多，炸到好香口，食落帶微甘，不過一口氣食晒有啲油膩，如果搭配啤酒同朋友一路飲酒一路食真心爽。
【刺身】
目仁奈薄切
以日本目仁奈魚，進行薄刺製成刺身，伴以醋汁食好開胃清爽，魚肉質彈牙但味道較清淡。
鮫鰈魚三食
以日本鮫鰈魚製成三食口味刺身。
第一食，伴以芽蔥，帶有微辛辣口感。
第二食，伴以炙燒魚油膏+蘿蔔蓉，帶有豐富的燒烤惹味口感。
第三食，伴以北海道海膽+新鮮山葵莖，有海膽的濃郁甜度，同時有山葵的刺激口感，非常惹味。
沙甸魚卷
以沙甸魚刺身加上芽蔥及小黃瓜捲製成的花卷，相當美觀！
食落有超鮮味的沙甸魚刺身，魚味極濃，配上蔥更有點辛香感，非常好食！
北海道仙鳳趾蠔
以北海道的仙鳳趾蠔製作，新鮮現場即開，夠哂新鮮！
調味以醋果凍搭配，食落可以去除生蠔的腥味而變得更鮮，相當唔錯。
另外仲加入新鮮紫蘇花，香氣會係你口腔中四射，萬萬不可錯過搭配紫蘇花食法！
北寄貝刺身
當今最時令的貝類刺身，係Omakase都好少見的北寄貝刺身，而且製成兩種唔同食法！
- 新鮮刺身。師傅會切好後大力拍打，令刺身收縮令口感更彈牙，食落更爽甜味更集中！
- 炙燒口味。師傳會以火槍燒製北寄貝裙邊，油香更重更惹味，而且口感比刺身更彈牙。
車厘子木煙燻深海池魚
以車厘子木煙薰過的深海池魚，魚肉馬上帶來水果清甜香味，食落口感彈牙，不會太油膩。
【磯煮】
磯煮鮑魚配鮑魚肝醬
以新鮮鮑魚煮製，口感好彈牙但咬落又好軟腍，鮑魚肝醬加了味噌煮成，咸鮮味濃郁，令鮑魚變得更惹味可口。
【壽司】
春子鯛壽司
銀鱈魚苗壽司
鮫鰈魚魚邊壽司
金箔大拖羅壽司
和牛壽司配馬糞海膽
水晶海膽杯配酒渡三文魚籽
【季節和食】
炸澤蟹、鹽燒香魚、萵筍、白蘆筍、蕃茄
整個和食料理擺盤，仿如一幅日式山水畫般精美華麗！
新鮮即炸澤蟹，食落香口，咬落入面仲有蟹膏，好甘香！
鹽燒香魚皮薄肉多，帶有鹽燒味的咸香，唔錯！
萵筍、白蘆筍、蓮藕及蕃茄等伴菜，扮演著山水畫中的石頭，食落可以降低油膩感。
【湯品】
✦ 豆腐魚湯 🍴4/5
魚湯以魚肝、魚肉、豆腐及舞茸菇煮成，非常足料，食完刺身及壽司個胃好寒，飲返碗魚湯暖胃，可以驅寒氣。
【甜品】
✦ 蜜瓜、蜜柑
蜜瓜唔夠熟，麻麻地，蜜柑正常發揮。
第一次食Omakase竟然有幾款係飽到食唔晒！份量絕對係出面食到嘅一倍！其實去到中段已飽。
整體白身魚偏多，不過唔少魚種都挺稀有，由於第二位有半價，折左都幾OK。
【極鮨 SUSHI KIWAMI】
地址 : 銅鑼灣軒尼詩道525號澳門逸園中心10樓
電話號碼：28335528
📝 TIMBEE LO shop - 官方時尚精品購物網站
【最新影片介紹】
食到稀有魚種的廚師發辦OMAKASE???
花月庭變身OMAKASE食蟹膏壽司???
超平價可以食到17件壽司的廚師發辦OMAKASE，有無搞錯????
銅鑼灣鬧市都可以好似去左小日本古城？福岡料理王的隱世小店！
中環超華麗和式木船食高級OMAKASE? 搵到店中圖中叮噹圖案可以免費食壽司???
超高人氣名店【鮨三川】大玩清酒配對 x 廚師發辦OMAKASE???
超隱世！澳洲風味激長白沙海灘「下長沙」有好多海水浴場西餐廳咁CHILL都無人知????
足本節目 ⏬
Full Version ⏬
Facebook/YouTube 搜尋Search
🔥窮遊達人 Mr. Travel Genius🔥
🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured
🅿️ Facebook - https://www.facebook.com/mr.travelgenius/
📸 Instagram - https://www.instagram.com/mr.travelgenius/
