余德丞做台慶MC 同神枱級司儀Do姐做拍檔 笑言唔怕講錯嘢

新晉男神余德丞之前踢波昏迷入院，當時全城為佢集氣，好在最後大步檻過，康復出院。而出院之後嘅佢有唔少工作，嚟緊仲會做埋台慶MC添 ，可謂因禍得福！

之前有傳tvb計劃為他度身訂造角色開拍新劇，升呢做男一，依家套劇雖然未有消息，但都唔難睇出公司有幾錫佢。

而佢今日更加透露會喺台慶做MC。往年都係跳舞嘅佢，今年因為健康問題唔跳得舞，不過公司就俾其他機會佢，就係做台慶司儀喇~

余德丞話到時會同Do姐等神枱級元老司儀做拍檔，一共有八、九個人。

拍Do姐做司儀，應該會好大壓力喇，不過佢就話：「心態好似當年奧運做直播咁，應該OK嘅，會將壓力變成動力，有前輩帶住無嘢嘅。」心態真好！

至於驚唔驚會講錯嘢，佢就搞笑咁話：「應該唔會嘅，條脷都運用得好純熟。」

相信大家都好期待余德丞喺台慶嘅表現喇～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歡迎關注我們的 Facebook 與 Instagram