相信好多準爸媽都會好興奮好期待🤩，一開始就會買好多嬰兒用品去迎接新生命既來臨，但到實際用個陣先發覺唔岩用/用唔著，變相就浪費左錢同霸左屋企個空間去存放，所以今次我就以我呢11個月既經驗，去分享比大家聽買嬰兒用品既tips啦🧏🏻♀️（如果有接收二手用品既另計，今次暫只分享購買用品既tips）
貼士1：只準備BB現階段嘅必須品
除左d必須品之後（姐係奶粉、尿片、奶樽、衫、紗巾、口水肩、護理／清潔用品），其他都唔需要急住買。
因為bb每個月/階段做到/需要既野都唔同，如果一早買定既話，又會放係屋企好耐先用到，亦有機會到可以用個陣先發覺買錯左唔岩用，所以到要用個陣先再買都得🤓。
貼士2：一物多用慳錢又慳位
可嘗試一物二用/幾用。
雖然嬰兒用品真係有好多種類/類型，會令你感覺好似樣樣都需要買咁，但其實有一d電器係可以替代到的，例如蒸焗爐既蒸功能其實可以替代消毒奶樽機的，咁就唔洗用多一舊錢去買消毒奶樽機，屋企亦都可以慳返一個位置出來，一舉兩得👍🏻。
貼士3：考慮實際應用（如居住地點）
購買嬰兒用品都要考慮埋自己既居住地點的📍。
話說我係陀緊個陣就買左架初生都用得，但成 8kg 重既bb車，諗住可以有排用。但我就唔記得左因為我屋企係要搭一程巴士先到地鐵站，而搭巴士係要收bb車，代表我係無可能自己一個用bb車帶bb出街，姐係個bb車白買了🤦🏻♀️。
而之後到卡樂b 3個月個陣，我地都買左個孭帶同佢出街，無再用個架重到傻既bb車🙈。
所以其實居住地點都好影響到你購買邊樣/唔買邊樣的。
今次就去到呢度先啦~ 另外亦都十級強力建議大家去埋我其他既social media度睇下啦，會睇到我地同bb互動既小片段的🤪
Follow us on:
Facebook: Tutor Circle 尋補
Instagram: @tutorcircle
Website: https://www.tutorcircle.hk/blog/
留言 0