身為一位剷屎官，每日剷屎餵食當然已經非常辛苦，仲要不時清潔家中一堆堆貓毛，床單衣物黐曬毛簡直超崩潰！日本一對夫婦就睇中自己家中剛好有3隻唔同毛色嘅貓，決定整不同類型嘅毛毛帽比佢哋戴，真係超得意啊！
山崎夫婦家中養咗3隻蘇格蘭摺耳貓，分別係Nya、Maru同Mugi，3隻貓嘅毛色都唔一樣，山崎夫婦就決定收集家中3隻貓主人嘅毛，親自製作貓帽比佢哋，款款都超可愛啊！
通常都係由山崎太太負責製作貓帽，山崎先生負責影底貓咪戴帽時搞笑嘅樣同作品！我哋一齊睇下山崎夫婦嘅作品同3隻貓貓啦！
喱頂兔耳仔帽加埋Nya嘅奇怪姿勢，好搞笑啊！
喱頂海螺帽用返Maru自己嘅整成，完全睇得出山崎太太嘅巧手同心思！
軍帽戴上去Maru頭上之後，即刻好有時尚感！
高達帽都整得好靚好細緻！
究竟你係柴犬定貓啊？分唔到啊～
唔知大家認唔認得喱頂帽係咩呢？係姆明入面美寶嘅髮型啊！
變成雷様都無問題！
山崎夫婦IG入面仲有好多唔同款式嘅帽仔同貓相，張張都超得意，睇得出山崎夫婦花咗好多心思啊！各位貓奴有無心動都一齊整比自己嘅貓貓呢？
圖片來源：IG@rojiman
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0