常話人「符碌」，你又知不知道這個俚語其實是源自英文“Fluke”呢？早在港英時期，香港這個國際化的城市就深受英語影響，不少英文詞彙由以前開始就在大眾間流行，最後更被音譯成中文字。以下介紹由英譯中的廣東俗語，看看你認識多少個吧！
杯葛 Boycott
指聯合抵制、排斥；拒絕參加；一致與……絕交
例句：呢間舖頭竟然賣假貨，我地一齊杯葛佢！
歇斯底里 Hysteria
形容情緒異常激動，舉止失常
例句：聽到嫲嫲過身嘅消息，佢忍唔住歇斯底里咁喊。
符碌 Fluke
形容不靠實力而僥幸成功
例句：今次考試，竟然無溫書都合格，真喺符碌啦！
頻能 Panic
形容恐慌；驚惶；神經緊張
例句：睇佢個樣咁頻能，實喺擔心緊陣間見工啦！
咕喱 Coolie
指苦力，從事勞動工作的人
例句：今日幫親戚搬屋，做咗成日咕喱，好攰啊！
老笠 Rob
指搶劫，掠奪
例句：咪郁！老笠！即刻同我攞哂啲錢出嚟！
薯嘜 Schmuck
指愚蠢的人；打扮或舉止老土的人。
例句：睇佢着到成個薯嘜咁，唔講仲以為而家喺六十年代。
蝦碌 Hard luck
英文原意指不走運；而蝦碌則泛指不小心
例句：哎呀！一時蝦碌，唔記得帶銀包出街。
發蹄騰 Frightened
形容受驚；感到害怕
例句：個小朋友聽到要打針就驚到發蹄騰，攬住媽媽喊。
TEXT: JENN
留言 0