沙田 18 呈獻傳統創意新口味

疫情放緩，開放八人檯，最合多人嚐中菜，趁夏季出新菜單，往沙田18 試菜，慶幸有主廚何振雄師傅坐鎮，擅長運用醃醬的何師傅，今季繼續帶來新創意，把醃菜帶到另一個層次。前菜「黃椒醃菜拌鮑魚」（$245）的味道酸香醒胃，酸酸的味道配合爽脆的大白菜，連鮑魚加入泰國黃椒、紅蘿蔔、辣椒油、醋、鹽、蒜等醃至少 12 小時，咬落口扑扑脆，解膩消滯。沙田 18 點心一向出色，先叫兩個點心，以鮮蝦變奏的「竹笙珊瑚鮮蝦斑肉餃」（$70）及類似粵式腸粉的「蘿蔔瑤柱脆卷」（$70），兩款均以傳統風味變調，食出新意。

主菜來個「野山椒香茅生啫白鱔」( $288)，選以當造的台灣白鱔，一片片用與自家製野山椒醬及蒜頭拌匀；瓦煲放入香茅爆香後，鋪上白鱔蓋好鍋蓋焗 5 分鐘至熟透，肥美的魚肉微辣之中帶點香茅東南亞風味，越食越惹味。

如今越難食到手功菜，東莞製法的「道滘煎釀原條鯪魚」($318)，師傅先把鯪魚起肉留皮，魚肉混入臘味及原粒花生再釀回魚皮中，與加入豆豉、薑片等特製醬汁煎燜後切件，每啖咬下去都感到豐盛，材料多多，口感煙韌彈牙，非常欣賞師傅的用心製作。

再來一道酒香撲鼻的「黃酒炒鮮雞」 ($298)，雞件嫩滑，一件件密密吃，食過不停。然後加碟「鹹魚帶子薑米炒飯」 ( $275 )，鹹香惹味飽肚必選。

記得沙田 18 這裡還有最吸引我的甜點，今季餅房主廚賴耀輝師傅把鬼佬芝士跟真正芝士混合在一起，弄成「腐乳芝士泡芙」( $68/4 件) ，裡面餡料加入了中式腐乳及西式的忌廉芝士，滑滑的內餡香夾濃，真係食極都唔夠啊！加了水果嘅「涼果芝士卷」 ($68/4件)，兼且有好似食緊 Tiramisu 嘅「紅棗梅子意式芝士蛋糕」 ($68)，最後來一球「杏汁雪耳木瓜雪糕」 ($45/球)，清甜可口，為炎炎夏日帶來甜美。