雖然微波爐好方便，但並唔係咩都可以放入去叮，雞蛋就係其中一項禁忌之物。相信大家都聽過用微波爐叮蛋會爆炸，特別係原隻生雞蛋，「殺傷力」相當驚人！
不過12蚊店竟然有唔少微波爐叮蛋小工具，聲稱可以輕輕鬆鬆叮出唔同嘅雞蛋料理，到底係唔係伏呢？主播嘉琪喺今集《跟琪流行》就實測咗5款微波爐叮蛋神器，即刻睇吓有冇發生意外啦！
今次呢五款工具分別可以整到溫泉蛋、半熟蛋、茶碗蒸、奄列同埋玉子燒，每款售價都係12蚊，而且附有食譜方便大家跟住整，不過大家要因應自己嘅微波爐功率調整叮嘅時間，未必可以一次就成功。
至於五款工具入面，最得嘉琪歡心嘅，必定係整茶碗蒸嘅工具，叮出嚟嘅蛋非常滑溜！至於其他工具亦各有優缺點，到底值唔值得入手？睇完今集《跟琪流行》就知！
東網網站 : https://on.cc/東網Facebook專頁 : https://www.facebook.com/onccnews/
留言 0