YouTube頻道「試當真」昨晚直播，主題為「《黑白大廚現場版》元祖幕前 vs GenZ 階級大戰」，直播後段發生小插曲，Yanny及泰妹的廚房其中一個爐起火，各人的臨場反應引起網民在Threads上熱議。
直播中可見，當爐頭起火後，泰妹一度想伸手接近拿起鍋柄，Yanny見有危險一手撥開泰妹的手，隨後Yanny更拿鑊蓋，淡定地蓋上起火的鍋上，但火勢未見有減緩，站在較遠處的Locker（林家熙）突然向火源倒水，令火勢更猛，冒起白煙，Yanny大叫：「唔好倒水！」主持之一的許賢更笑稱：「焚城！焚城！」眾人頓時驚慌失措，隨後岑珈其將滅火毯蓋住起火的爐頭，然後場地工作人員出動滅火筒，將火救熄。
廣告（請繼續閱讀本文）
網民大讚Yanny淡定救火超英勇！
直播完結後，Yanny的淡定表現被網民大讚「好勇！勁冷靜！」、「發現著火推開TM隻手好冷靜咁諗辦法救火，煮完即刻俾個攬攬泰妹」，不少人亦大讚Yanny有頭腦，立即喝止想倒水滅火的Locker。Yanny事後亦在IG向觀眾報平安，沒有被火燒到。
廣告（請繼續閱讀本文）
廣告（請繼續閱讀本文）
Locker用水救油火被轟冇常識
電影《焚城》演員之一的Locker，在直播中倒水救火的舉動亦引起熱議，有網民指出：「油類引發的火警也絕不宜用水撲滅，因為油水不混合的原理下，高溫的油遇到水會被濺起，彈到皮膚會被燒傷，如果濺起著火的油更會令火勢蔓延。」亦有人笑稱「Locker要番去消防局再培訓」、「Locker真係嚟焚城」。
圖片來源：YouTube 試當真、IG@yannyyc 、Threads
《好有脆》專門發掘社交媒體熱門帖文，所有內容及相片版權均屬發布人擁有。
N 睇完內文，搵鑊蓋冚只係普通常識，而且根本無熄到⋯最後都係靠岑珈其張滅火毯同工作人員嘅滅火筒救熄⋯
吹到「英勇救火」，真心誇張⋯
咁岑珈其係咩？「超英勇不理危險現身火場救火」？？？
#倒水果條友係咪無玩過煲蠟？？？
#證明人嘅常識其實都係要靠日常生活經歷而來
#唔俾煲蠟令啲細路連基本常識都無
5小時前
藍鈴 倒水😱🤦♀️。冚蓋係最正常嘅。
1小時前
顯示全部