《試當真》直播起火｜消防處出Post抽水　教人正確應對煮飯起火

YouTube頻道《試當真》早前舉行了4周年直播活動《黑白大廚現場版》，多位成員即席下廚比併，但節目中途其中一個爐起火，幸好及早救熄，無釀成傷亡。事件當中Yanny英勇用鑊蓋撲火一幕被網民大讚英勇，但另一邊廂，Locker用支裝水淋向油火的做法，被網民怒轟「冇常識」，並指出「油類引發的火警也絕不宜用水撲滅」，香港消防處今日亦「抽水」出Post，教大家正確應對煮飯起火意外，隨即引來網民好評，大讚「靚抽+學到野」、「好快手」，亦有網友笑稱「應該tag Locker」。

消防處在貼文中教路：無論係用電磁爐定明火煮食，萬一起火，記住以下步驟：熄爐／熄電掣或拔插頭，用鍋具蓋或滅火氈蓋住火種，直至熄滅，滅火氈係防火物料，唔可以用其他毛氈替代！只要蓋得夠實，火無氧氣就會窒息。

除了消防處，昨日試當真亦在社交平台發布多張改圖，配上近期大熱的兩套港產片《焚城》及《破地獄》，搞笑「自抽」，有留言笑稱Locker作「焚城師」。不過經過這次意外，相信Locker將來若有機借再飾演消防員，一定更加入型入格！

圖片來源：香港消防處Facebook 、 IG@trialanderror924

《好有脆》專門發掘社交媒體熱門帖文，所有內容及相片版權均屬發布人擁有。