人夫健身教練William被爆曾搵ptgf　錄音認罪揭偷食吳泳經過

小薯茄吳冰（阿冰）的胞妹吳泳被「捉姦」，介入網紅健身教練William的婚姻。William的太太「FaFa Tse」昨晚在社交平台連出多個限時動態後，下午繼續爆料，表示收到「好多證據」，貼出老公搵 Part time girl friend的對話，以及承認偷食的錄音，講述出軌的過程。FaFa又直斥吳泳自稱小薯茄成員，「累人累己」。

FaFa 貼出「捉姦」片段後，再貼出William 要求朋友介紹 Partime gf的對話，還約好時間。FaFa 還上載老公William交代如何與吳泳搭上的錄音，William 提到：「我冇嘢做坐咗喺喥，跟住就傾偈……跟住就越傾越埋。」，FaFa問第一次誰做主動，William亦直認是自己。

FaFa再問：「佢明知你有老婆，點解會咁嘅？」，William回答：「我唔佢咩心態。」

William：im the wrost

William其後轉發這段錄音的限時動態，更寫上「im the wrost (worst)」，另轉發太太FaFa寫上「新分快樂」的限時動態，並寫著「goodbye」。

FaFa：阿冰已向她道歉

對於小薯茄就事件的聲明，FaFa亦在最新的限時動態回應，表示支持，又寫道：「完全唔關其他人事，只有『健身偷食二人組』應該要道歉，佢哋自私到為咗性愛X3，唔理後果，辜負所有支持你哋嘅人，影響人哋」、「唔好再累人累己」。FaFa 又在回應網民時表示，阿冰已向她道歉：「佢只係想幫個妹，佢無錯。」。

吳泳偷食被爆40小時後向大婆Fafa道歉　網民分析正印當年疑似派帽食回力鏢