小薯茄成員吳冰（阿冰）的胞妹吳泳，被爆出搭上有婦之夫的健身教練William，更被新婚3個月的太太FaFa「捉姦在床」，FaFa今日（25日）在社交媒體上公開一系列證據及連環大爆內情，William更承認與吳泳先後發生了3次性關係，而偷食事件被爆40小時後，吳泳正式道歉，並承諾與人夫斬纜；同時，網民分析FaFa當年與時任上去William的健身中心做gym後不足兩個月分手，隨即搭上William，疑向前男友派帽。亦有不少網民直斥FaFa全日將阿冰拉落水，然後又表示對方無辜，欠阿冰一個道歉。
今晚傍晚時分，FaFa貼出去年婚宴跟小薯茄一眾成員的大合照，並用心心遮住阿冰、程人富等，並表示支持小薯茄的聲明，認為這次事件與小薯茄成員無關，寫道：「見到聲明，好支持。本身係觀眾到認識你地，係一種緣份亦係幸運，因為你地真係人好好 無架子 好貼地，而且係你地身上好多觀眾都快樂。尼件事完全唔關其他人事，只有健身偷食二人組應該要道歉」。
FaFa又批評吳泳和William自私，對其他人造成影響，直指二人：「自私到為左性愛x3 唔理後果 辜負所有支持你哋既人 影響人地。對我更加…講唔落去 #親身經歷的痛 #親眼看見的震撼」。她又在Threads留言：「其實你哋打俾我，我感恩大家朋友一場，但真係唔係大家錯。要承擔錯誤只有兩個人，其他人唔使幫佢哋埋單。我就無辦法，朋友又好親人又好，自己做錯事，唔好累咗身邊嗰個。」
FaFa全日連環公開證據，不斷tag阿冰，又指「完全搵唔到細妹，你帶過黎，但又唔理佢三觀不正嘅事實」，更指「仲有勁爆嘅事」，有網民認為她把阿冰拉落水，FaFa卻回應指：「你唔好再咁講啦，阿冰搵我say sorry已經慘。佢只係想幫個妹，佢無錯。」
直到今晚十時左右，FaFa大字標題「END」，並附上對話截圖，原來吳泳已WhatsApp向她道歉。吳泳寫道：「對不起，這件事我真的做錯了。我非常後悔，對你所造成的傷害，我做甚麼也無法彌補。但是我很想誠懇地向你道歉，真的很對不起。我保證以後不會再跟他有任何接觸或聯絡，對不起。」FaFa回覆：「不要搞人老公、人哋男人，其實真係唔好，你愛惜自己吧」。吳泳說：「我知道了，對唔住」。
吳泳：我唔會再犯
FaFa續說：「我哋已經被你哋破壞咗。一個家，就係咁散。 你下次俾人捉到姦，快啲著衫走，唔好再瞓喺人哋度。你家姐都好慘，你累埋佢。你自己幫返佢啦，佢帶你嚟健康唔係帶你嚟搞三搞四。你哋直頭將健身混淆咗」。吳泳答：「我唔會再犯，對唔住」。FaFa又上載跟老公的留言，他說：「sorry 老婆，我唔知道有冇機會可以珍惜你 ，但我真係好愛你。我依家會做嘅係保護番你，唔想你再受委屈」。
FaFa Tse：我已經無咗靈魂
FaFa最後表示：「40小時後，事情完，我接受你哋道歉，但已經無需要有結果，我已經無咗靈魂，搵唔到我個心，周地都係。多謝你哋上一堂俾我大開眼界，先散個心，我已經好叻」。
另一邊廂，有網民指FaFa亦有向前男友派帽之嫌，直指大婆都係食回力鏢。網民發現2018年9月，FaFa在IG分享跟當時男友上去William的健身中心做gym，同年10月底，女方上了第7堂training，當時FaFa又跟William一行人趁Halloween出去狂歡；同年11月，FaFa已經公開William由PT變成男朋友。大婆FaFa換畫之快速惹來熱議，亦有網民指William食女學生早有前科。
相關文章：
人夫健身教練William被爆曾搵ptgf 錄音認罪揭偷食吳泳經過
健身網紅妻FaFa Tse出捉姦影片 指夫偷食小薯茄阿冰妹妹
吳冰妹妹涉介入健身教練William婚姻 小薯茄發聲明：不牽涉公司成員