呢幾日落完雨後，天氣一定勁好，最啱去沙灘曬太陽玩水BBQ直落，明仔除咗想同大家介紹自己去沙灘必備物品，仲想提提大家，進行水上活動時記得要多加小心，俗語有云：「欺山莫欺水。」，安全要緊。
明仔有咩癖好？今個禮拜 PICK 咩好？
#ALEX 明仔癖
去沙灘玩最煩唔係要帶一袋二袋去玩，而係沖身之後果條又重又濕嘅毛巾，拎都唔緊要，但成日都會因為焗住咗喺袋度會有好大陣噏味，搞唔掂，所以明仔就最鍾意游水用勁吸水又跣水嘅超快乾毛巾。
可能明仔個人比較摺，大家唔好笑，我都係啱啱先知原來果條超快乾毛巾有成條沖涼毛巾咁大嘅版本，DECATHLON 見到有條有夏日圖案嘅賣緊 $149，去沙灘又可以鋪喺沙上面，沖完涼抹身又唔會有條又濕又重嘅毛巾，開心哂。
YOU MAY ALSO LIKE…
#CHERIE 明仔癖
「去沙灘都化妝？」當然！去沙灘就是要容光渙發、充滿活力咁享受吧？不過妝就不用濃，化一個醒神的防水防曬妝就夠了，而我會 PICK KATE 凝色柔滑眼線膠筆。KATE 作為日本開架品牌人氣之選的牌子，當中的凝色柔滑眼線膠筆可以話係品牌招牌貨之一。佢速乾性很強，筆芯軟硬度適中，顯色度夠。由於眼線膠筆採用獨特的半熟膠體所製，所以接觸肌膚時質地絲滑柔順，凝固後即時可緊密貼合皮膚，另外亦不易因汗水、淚水或出油而造成暈染情況，持妝度項目有 4.5 分的高度評價！
YOU MAY ALSO LIKE…
#CURTIS 明仔癖
去沙灘要玩沙灘波要打沙灘排球。
PRADA 剛發表的 OUTDOOR 系列，就有一個排球。
配色與一般排球有別，鮮豔獨特；還附有專用帶，方便攜帶。
YOU MAY ALSO LIKE…
#EELY 明仔癖
明仔我真係好怕好怕好怕熱 …… 基本上夏天如果我出現係沙灘，甘我一定係被綁架！但既然要我諗沙灘活動必備單品（當然我唔希望自己有一日要參與呢個活動），我就覺得一定要一樣可以長期 KEEP 住涼爽嘅野，最好就即用即涼爽甘啦！
敏感肌適用嘅 VICHY 噴霧，當中有溫泉水成分，降溫之餘仲可以舒緩曬後皮膚，大大支好抵用！反正明仔我已經買左一支備用啦，希望我唔需要喺沙灘度用啦！
YOU MAY ALSO LIKE…
#FAI 明仔癖
相機！仲要係3D 相機！喺呢個大數據年代，如果你唔將生活 UPLOAD 上網，你係逐漸消失緊你知唔知道？大家對一個人嘅理解就係建基佢嘅 IG/FB ACCOUNT 之上；亦即係如果一個陽光男孩唔 PO 相，大家亦唔會知道佢係咁陽光，反之亦然。
話說回來，去邊都要影相，最好係 3D 添啦！香港人當然撐香港嘢，但我話好嘢更加要撐。呢款由香港團隊 RETRO PROJECT 喺 KICKSTARTER 發起眾籌嘅 3D 菲林相機，明仔我就非常推薦。一般坊間都會用 NISHIKA N8000 / N9000 呢啲古董去影 3D 相，時代感當然未必取替到，但無論係大小、手感、以及對焦嘅準確性，明仔都覺得遠遠勝於舊相機！個人嚟講最鐘意就係 INSERT 嘅閃光燈，唔似 NISHIKA N8000 咁要外置，大大提高靈活性，畢竟明仔認為菲林相最講求 TIMING，大大增加咗相片嘅生活感！
吖係，沙灘！晒下身材，曬下太陽咁啦，SURF 下咁，你明㗎喇！
