短消息 沒有遊戲打的日子，騰訊可以怎樣過？
打波嘅會講；不怕神一樣嘅對手，只怕豬一般嘅隊友。
係中美貿易戰開打之時，大家都有想過股王騰訊會否受影響，但講騰訊必講嘅遊戲無需從美國入口，只要遊戲生生性性，單憑中國大陸市場都頂得住，何需擔心特朗普在 Twitter 上說什麼。奈何世事並不如人意，把騰訊拉下來的不是講英文的特朗普，是同聲同氣的戰友。
有錢出街睇戲食飯，無錢留係屋企打機睇電視。當打機睇電視成為最基礎嘅生活需要一部份，中國大陸嘅遊戲市場已經成為世界數一數二嘅重要支柱。唔駛行入網吧！在中國大陸，你只要行入商場、走入士多、店舖或者咖啡店，尋找一兩個無所事事的店員或年青人，你都可以發現他們要不是玩遊戲，就是看劇。以前啲人消磨時間搵書睇，依家就打機睇劇過日晨。
騰訊回落左咁耐，你一句我一句，人人都好似好有道理，但似乎係大局不明朗嘅情況下，來緊幾個月都未必有好日子過。因為消息指廣電總局近四個月以來都無發新嘅遊戲牌照，即係話騰訊依家大熱嘅遊戲有咩冬爪豆腐，玩家玩厭左就會失去盈利能力，但屆時又無新遊戲可以接手，咁樣業績想好都難。
最麻煩嘅係傳聞指政府因為部門整改而叫停發牌，即使整改完都要幾個月先可以再發新牌，而且遊戲內容睇得愈來愈緊，就算新遊戲成功推出都唔知到時能否捉得住啲玩家。
雖則話勤有功，戲無益，但如果劇集太悶唔睇劇，打機又只能打舊 GAME，上網又無咩可以討論浪費下青春嘅話，唔通真係人人落街打籃球、踢足球振興積弱嘅體育項目？
【此文章刊載於 石先生部落；標題： 沒有遊戲打的日子，騰訊可以怎樣過？ ；本篇文章為贊助內容；強制廣告： HisTrend.HK 給你不一樣的科技產品】
本網站文章部份內容由不同公司贊助提供，全部內容均屬個人意見及感受，並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。
