同朋友傾開計，大家作為半個打工仔，都會有一種感受，覺得某種客特別難頂，就係老細個朋友。
呢啲老細個朋友往往都有啲野同公司合作，合作項目話大唔大，話細唔細。無左呢啲合作又無咩所謂，但有又唔驅，只旦係多數呢啲合作都係吃力不討好，事倍功半。奈何老細一番苦心，你又無理由同老細講「不如唔好做，專注番個本業」。
其實老細個朋友多數都係老細，又唔會有咩奇怪要求，因為個老細本身都唔係好理日常運作，都係叫下面個個去做，但唔知點解下面個個又成日都唔係好做，或者唔係好明。可能老細個朋友個下屬其實都唔係好想做，所以渣流灘。
不過，對方渣流灘唔代表你可以渣流灘，因為人地唔駛交代你都要交代，而係呢啲時候唔知點解就要做埋人地個份，或者教番人地做野轉頭。如果佢係你下屬，其實你都應該鬧左佢好耐。或者佢係出面傾番來嘅合作夥伴都應該問候佢祖宗好耐，但佢始終係老細個朋友嘅下屬，開人波都可能要承受番啲惡果，一陣搞到老細無面一樣難受，結果都係唔知點解幫人教仔。
【此文章刊載於 石先生部落；標題： 【無題】老細個朋友 ；本篇文章為贊助內容；強制廣告： HisTrend.HK 給你不一樣的科技產品】 前一篇文章 【American Express】AE Platinum Card（鋼卡）- 優惠整理一覽表
相關文章多從作者
信用卡
旅遊
本網站文章部份內容由不同公司贊助提供，全部內容均屬個人意見及感受，並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。
