試鏡被「叮」走唔順氣！林作串爆：贏一百萬自己開套《打殘終賠生》

林作跟鍾培生的「百萬擂台戰」近日一度成為網上熱話，雖然至今仍未落實對戰日期，但二人連日來在網上的龍爭虎鬥同樣大把花生。近日林作就被爆之前參加蕭定一出品的港產片《#PTGF出租女友》試鏡，點知慘被「叮」走，事後發現原來鍾培生有份投資電影！

被「叮」出《#PTGF出租女友》試鏡的林作似乎有點不順氣，昨晚在其Facebook打下大篇留言回應事件，除了以「他X的」作開頭，向來一大口氣的他就串爆表示要贏下鍾培生的一百萬自己開戲，第一部電影將取名為《打殘終賠生》，更將自己跟「星爺」作比較：「唯有用嗰一百萬，自己開戲！注定好似周星馳咁，要自己黎。」

不過有網民就嘲諷林作指：「你似張如城多過周星馳」，更有人開始質疑二人所謂的「百萬擂台戰」是炒新聞：「真係好懷疑兩人夾埋make noise」、「係咪堅料？」。