冬至未有帶旺街市生意　酒樓訂枱爆滿

今日是冬至，在九龍城街市，一早已有巿民前來買餸做節。有巿民表示，今晚會在家中打邊爐，近日天氣凍更有氣氛，預計花費約1000元，買生蠔、肥牛及脆肉鯇等食品，又指食材價格和平日差不多，不會特別貴。有巿民花費約2000元買打邊爐食材，檔販未有在節日加價，又指老一輩較喜歡做節氣氛，所以冬至一定會留在家中過節。
不過部分街市檔販話，冬至生意差過平時。有豬肉檔檔販指，受港人北上消費影響，今日生意比平時少近一半，以往過節前一兩天，街市已好旺，豬骨及豬腱等特別暢銷，但近日天氣較冷，較多人選擇打邊爐，預計今日生意不理想。菜檔檔主話，近兩年生意開始轉差，形容街巿「好靜」，用以拜神的「樣樣齊」銷情不及以往三分一，一日的生意額甚至未能回本。
酒樓在冬至的訂位情況不錯，旺角有酒樓今晚的訂位已爆滿，不過以散客為主，消費力未及公司做節訂枱，加上食材成本上升未有全面反映在菜單上，只有海鮮會較平日貴，預期營業額只有往年的八成半至九成。他又說，恢復深圳赴港一簽多行後，食肆生意有增長，期望措施帶動更多旅客來港消費。